మరో హీరో బయోపిక్….త్వరలోనే!!!

బాలీవుడ్ లో నిత్యం ఏదో ఒక బయోపిక్ సినిమా విడుదల అవుతుందని అందరికి తెలిసిందే.అయితే ఇప్పుడు ఈ సంస్కృతి టాలీవుడ్ కు పాకింది. మహానటి ఇచ్చిన హిట్ తో వరసగా అందరు బయోపిక్ సినిమాలు చేసే పనిలోపడ్డారు.ప్రస్తుతం తెలుగులో ఎన్టీఆర్ బయోపిక్ రూపొందుతున్నది తెలిసిన విషయమే.అక్కినేని నాగేశ్వర రావు గారి జీవితం ఆధారంగా సినిమా చేసే ఆలోచనలో అక్కినేని కుటుంబం ఉన్నట్టుగా సినీ విశ్లేషకుల సమాచారం.
తెలుగు సినిమా ఇండస్ట్రీలో అనేక మార్పులకు శ్రీకారం చుట్టిన హీరో ఎవరు అంటే అది సూపర్ స్టార్ కృష్ణ అనే అంటారు.కౌబాయ్ సినిమాలను తెలుగు తెరకు ఇంట్రడ్యూస్ చేసింది సూపర్ స్టార్ కృష్ణానే. కలర్, స్కోప్ ఇలా ఎన్నో మార్పులను సినిమా ఇండస్ట్రీకి పరిచయం చేసి, డేరింగ్ అండ్ డ్యాషింగ్ హీరోగా సూపర్ స్టార్ కృష్ణ పేరు తెచ్చుకున్నారు.500 పైచిలుకు సినిమాల్లో ఈయన నటించారు.ఇప్పుడు సూపర్ స్టార్ కృష్ణ జీవిత చరిత్ర ఆధారంగా సినిమా చేయబోతున్నారట ,ఈ విషయాన్ని కృష్ణ అల్లుడు హీరో సుదీర్ బాబు వెల్లడించారు,అయితే , ఆ సినిమాకు సంబంధించిన పూర్తి వివరాలను త్వరలోనే వెళ్లడిస్తామని సుదీర్ బాబు పేర్కొన్నారు.