సీఎం కేసీఆర్ గారి బాటలో టీఆర్ఎస్ ఆస్ట్రేలియా …!

ప్రకృతి విలయంతో వరదలతో అతలాకుతలమైన కేరళ రాష్ట్రానికి అన్ని విధాలా ఆదుకుంటున్న తెలంగాణ ప్రభుత్వాన్ని ఆదర్శంగా తీసుకుని టీ ఆర్ ఎస్ ఆస్ట్రేలియా విభాగం అధ్యక్షుడు కాసర్ల నాగేందర్ రెడ్డి గారి జన్మదినాన్ని పురస్కరించుకొని లక్ష రూపాయలు తమ వంతు గ ఆర్ధిక సహాయం చేసారు . ఇప్పటికే తెలంగాణ ప్రభుత్వం 25 కోట్ల రూపాయలతో పాటు బియ్యం , పౌష్టికాహారం ఇలా ఎన్నో రకాలుగా మానవతా దృక్పధం తో స్పందించడం తెలిసిందే .

కెసిఆర్ గారి పిలుపు మేరకు ప్రపంచం లో ని NRI లు స్పందించి తమ వంతుగా సహాయం చేయడం తెలంగాణ బిడ్డలుగా ఎంతో గర్వంగా ఉందని,ఇందుకు కెసిఆర్ గారికి ,అలాగే ఈ విరాళానికి ఆర్థిక సహాయం చేసిన డా అనిల్ రావు చీటీ , డా అర్జున్ చల్లగుళ్ళ , సాయిరా ఉప్పు లకు టీ ఆర్ ఎస్ ఆస్ట్రేలియా అధ్యక్షుడు నాగేందర్ రెడ్డి కాసర్ల కృతజ్ఞతలు తెలిపారు .

తెలంగాణ కొత్త రాష్ట్రమైనప్పటికిని అభివృద్ధి , పరిపాలన తో పాటు పక్క రాష్ట్రాల తో స్నేహపూర్వక బంధాన్ని కొనసాగించడం లో కూడా ముందు వరసలో నిలబడిందని, మిగతా రాష్ట్రాలు , విదేశాలలో ఉండే భారతీయులు కేరళ ను ఆదుకోవడానికి ముందుకు రావాలని, టీ ఆర్ ఎస్ ఆస్ట్రేలియా అధ్యక్షుడు నాగేందర్ రెడ్డి కాసర్ల విన్నవించారు.