కెరీర్ కోసం త్యాగం చేస్తున్న‌.. జేజ‌మ్మ‌..!

ఏడాది కింద‌టి వ‌ర‌కు వ‌రుస సినిమాల‌తో దూసుకుపోయింది అనుష్క‌. ఏడాదికి క‌నీసం నాలుగు సినిమాలు చేస్తుండేది. కానీ, 2018లో ఆ జోరు క‌నిపించ‌డం లేదు. భాగ‌మ‌తి సినిమా త‌రువాత పూర్తిగా సినిమాల‌కు దూరంగా ఉంది అనుష్క‌. దీంతో అనుష్క సినిమాల‌ను వ‌దిలేసిందేమో అనుకున్నారు. కానీ, చివ‌ర‌కు తెలిసింది సినిమాలే ఆమెను వ‌దిలేశాయ‌ని. దీంతో ఏ ద‌ర్శ‌కుడు కూడా అనుష్క వైపు చూడ‌టం లేదు.

తాను సినిమాలు చేయ‌డానికి సిద్ధంగానే ఉన్నా.. ఎవ రూ త‌నకు అవ‌కాశాలు ఇవ్వ‌డం లేద‌ని చెప్పుకొస్తోంది ఈ భామ‌. భాగ‌మ‌తి సినిమా త‌రువాత ఒక్క సినిమా కూడా చేయ‌లేదు ఈ బ్యూటీ. మ‌ధ్య.. మ‌ధ్య‌లో అనుష్క సినిమాలు చేస్తుందంటూ టాక్ వినిపించినా.. ఏదీ ఫైన‌ల్ కాలేదు. అయితే, త‌మిళ ద‌ర్శ‌కుడు హ‌రి తెర‌కెక్కించ‌బోయే, సూర్య హీరోగా నించ‌నున్న చిత్రంలో అనుష్క హీరోయిన్‌గా న‌టించ‌నుంది. ఈ కాంబినేష‌న్‌లో ఇప్ప‌టికే య‌ముడు సిక్వెల్స్ లో భాగంగా మూడు చిత్రాలు తెర‌మీద‌కు వ‌చ్చాయి. అయితే, ప్ర‌స్తుతం రూపుదిద్దుకుంటున్న చిత్రం య‌ముడు సీక్వెల్ కాద‌ట‌

హ‌రి, సూర్య కాంబినేష‌న్ అంటే ముందుగా అంద‌రికీ గుర్తొచ్చేది సింగం సిరీస్‌. కానీ, ఈ సారి కొత్త క‌థ‌తో సినీ ప్రేక్ష‌కుల ముందుకొస్తున్నాడు ఈ ద‌ర్శ‌కుడు. ఎలాగో సూర్య‌తో అనుష్క‌ది బ్లాక్ బ‌స్ట‌ర్ కాంబినేష‌న్ కాబ‌ట్టి.. ఏ మాత్రం రిస్క్ తీసుకోకుండా వీళ్ల‌నే కొన‌సాగిస్తున్నాడు హ‌రి. త‌మిళం నుంచి క‌నీసం ఆఫ‌ర్లు వ‌స్తున్నాయి కానీ… తెలుగు డైరెక్ట‌ర్స్‌ అనుష్క‌ను మ‌రిచిపోయార‌నే టాక్ ఫిల్మ్ న‌గ‌ర్ స‌ర్కిల్స్‌లో వినిపిస్తోంది.