శ్రావణ మాసంలో పెళ్లి చేసుకోబోయే జంటలకు దిల్ రాజ్ బంపర్ ఆఫర్..!!

శ్రావణ మాసంలో పెళ్లి చేసుకోబోయే జంటలకు ప్రముఖ నిర్మాత దిల్ రాజ్ అదిరిపోయే ఆఫర్ ప్రకటించారు.తాజాగా దిల్ రాజ్ నిర్మించిన శ్రీనివాస కళ్యాణం ఈ నెల 9న విడుదలకానున్న సంగతి తెలిసిందే.ఈ క్రమంలోనే అయన కళామందిర్ కళ్యాణ్ నుంచి వచ్చిన ఆలోచన మేరకు ఒక మంచి ఆఫర్ సిద్దం చేశామని చెప్పారు.ఈ శ్రావణ మాసంలో రెండు తెలుగు రాష్ట్రాల్లో నూతనంగా పెళ్లి చేసుకోబోతున్న జంటలకు శ్రీనివాస కళ్యాణం మూవీ టీమ్ పట్టు వస్త్రాలను బహుమతిగా ఇవ్వనుందని తెలిపారు.ఇందుకోసం పెళ్లి చేసుకోబోయే జంటలు ముందుగా తమ పెళ్లి కార్డులను తమకు పంపిస్తే సరిపోతుందని చెప్పారు.

అయితే కొంతమంది ఎంపిక చేసిన జంటలకు స్వయంగా తమ టీమ్ వారి ఇంటికి వచ్చి పట్టు వస్త్రాలను అందజేస్తుందని అన్నారు.ఇందుకు సంబంధించి తమ పెళ్లి కార్డులను ఏ అడ్రస్ కి పంపించాలనే విషయాన్నీ త్వరలోనే సామాజిక మాధ్యమాల ద్వారా తెలియజేస్తామని అన్నారు. కాగా ఈ సినిమాలో నితిన్ ,రాశీ ఖన్నా వధూవరులు గా నటిస్తున్న సంగతి తెలిసిందే