టాలీవుడ్ లో సంచలనం..వ్యభిచార కేసులో శ్రీరెడ్డి అరెస్ట్‌

నటి శ్రీరెడ్డి వ్యభిచారం చేస్తున్నట్టు అంగీకరించిందని అందువల్ల ఆమెను వ్యభిచారం కేసులో అరెస్టు చేయాలంటూ తమిళ నటుడు వారాహి చెన్నై నగర పోలీసులకు ఫిర్యాదు చేశాడు. క్యాస్టింగ్ కౌచ్ అంశంతో ఒక్కసారి వెలుగులోకి వచ్చిన నటి శ్రీరెడ్డి. పలువురు టాలీవుడ్ నటీనటులపై సంచలన ఆరోపణలు చేసిన శ్రీరెడ్డి.. ఇపుడు కోలీవుడ్‌పై దృష్టిసారించింది. కాస్టింగ్‌ కౌచ్‌
అంటూ ప్రముఖ దర్శకుడు ఏఆర్‌.మురుగదాస్, సుందర్‌.సి నుంచి నటుడు రాఘవ లారెన్స్, శ్రీకాంత్‌(తెలుగులో శ్రీరామ్‌) వరకూ ఆరోపణలు చేసి సంచలనం సృష్టిస్తోంది.

ఇప్పటికే నడిగర్‌ సంఘం కార్యదర్శి విశాల్, కోశాధికారి కార్తీ తీవ్ర చర్యలుంటాయని హెచ్చరించినా శ్రీరెడ్డి వాటిని కేర్‌ చేయకుండా చెన్నైలో మకాం పెట్టి కలకలం సృష్టిస్తోంది. దీంతో నటుడు వారాహి సోమవారం చెన్నై పోలీస్‌ కమిషనర్‌ కార్యాలయంలో శ్రీరెడ్డిపై ఫిర్యాదు చేశారు. ఇందులో నటి శ్రీరెడ్డి టాలీవుడ్‌లోని ప్రముఖులపై కాస్టింగ్‌ కౌచ్‌ ఆరోపణలు, బెదిరింపులతో డబ్బు వసూలుచేసిందన్నారు. ఇప్పుడు కోలీవుడ్‌లో బెదిరింపులకు పాల్పడుతోందని ఆరోపించారు. శ్రీరెడ్డి ఇటీవల ఒక భేటీలో అత్యాచార వేధింపులకు ఆధారాలున్నాయా? అన్న ప్రశ్నకు మహిళలను కించపరచేలా బదులిచ్చిందన్నారు. ఆమె వ్యభిచారాన్ని అంగీకరించినట్లు పేర్కొందన్నారు. శ్రీరెడ్డిని వ్యభిచార కేసులో అరెస్ట్‌ చేయాలని ఫిర్యాదులో కోరారు.శ్రీరెడ్డిపై వ్యభిచారం చేస్తున్నట్లు కంప్లయింట్ వచ్చిన నేపథ్యంలో ఆమెపై చెన్నై పోలీసులు ఎలాంటి చర్యలు తీసుకోబోతున్నారు? తమిళనాట సంచలనం రేపుతున్న శ్రీరెడ్డి వ్యవహారం ఈ ఫిర్యాదుతో ఎలాంటి మలుపు తిరగబోతోంది అనేది చర్చనీయాంశం అయింది.