ఎన్టీఆర్ బాలీవుడ్ ఎంట్రీ ఫిక్స్‌..!

అత‌ను నిన్న‌టి వ‌ర‌కు ప‌డి లేచిన కెర‌టం.. ఇప్పుడు ప‌రుగెడుతున్న విజ‌యం. టాలీవుడ్‌లో వ‌రుస విజ‌యాల‌తో జోష‌ల్‌లో ఉన్నాడు తార‌క్‌. టాలీవుడ్‌లో స్పీడ్ చూపిస్తున్న యంగ్ టైగ‌ర్ బాలీవుడ్ మీద కాలుమోప‌బోతున్నాడా..? అదీ కూడా ఒక మ‌ల్టీస్టార‌ర్‌తోనా..? తార‌క్‌తో న‌టించే మ‌రో హీరో ఎవ‌రు..? అన్న ప్ర‌శ్న‌ల‌పై ఓ లుక్కేద్దాం..

టాలీవుడ్‌లో టాప్ స్టార్‌గా కొన‌సాగుతున్న ఎన్టీఆర్ బాలీవుడ్‌లో ప్ర‌వేశించేది ఎప్పుడు అన్న చ‌ర్చ అభిమానుల్లో జ‌రుగుతోంది. ఇటీవ‌ల బాలీవుడ్ స్టార్ హీరో వరుణ్ ధావ‌న్ సోష‌ల్ మీడియా వేదిక‌గా చేసిన వ్యాఖ్య‌లు ఎన్టీఆర్ బాలీవుడ్ ఎంట్రీపై ఆస‌క్తిని మ‌రింత‌గా పెంచేశాయ్‌. బాలీవుడ్ ప్ర‌ముఖ నిర్మాత క‌ర‌ణ్ జోహార్ నిర్మాణంలో ర‌ణ్‌భూమి చిత్రానికి భీజం ప‌డింది. వ‌రుణ్ ధావ‌న్ ఈ చిత్రంలో పోరాట వీరుడిగా క‌నిపించ‌బోతున్నాడు. యుద్ధం నేప‌థ్యంలో ఈ చిత్రం సాగుతుంది.

ఇటీవ‌ల సోష‌ల్ మీడియాలో వ‌రుణ్ ధావ‌న్ ఫ్యాన్ష్‌తో ముచ్చ‌టించాడు. ఈ సంద‌ర్భంగా ఓ అబిమాని ఎన్టీఆర్ గురించి అడ‌గ్గా నేను ఆయ‌న‌కు అభిమానిని అంటూ వ‌రుణ్ ధావ‌ణ్ స‌మాధానం ఇవ్వ‌డం విశేషం. మీరు వారియ‌ర్‌గా న‌టించే ర‌ణ‌భూమి చిత్రంలో ఎన్టీఆర్ కూడా న‌టిస్తున్నారా..? అని మ‌రో అభిమాని ప్ర‌శ్నించాడు. అలాంటి ప్ర‌శ్న‌ల‌కు నేను స‌మాధానం చెప్ప‌లేను. ద‌ర్శ‌కుడు శ‌శాంక్ మాత్ర‌మే అలాంటి సీక్రెట్స్ బ‌య‌ట పెట్టాలి అంటూ వ‌రుణ్ ప్ర‌స్థావించ‌డం ఎన్టీఆర్ ఫ్యాన్స్‌లో ఆస‌క్తిరేపింది.