షకలక శంకర్ నటించిన సినిమాకు ఫైనాన్స్..ఎర్రచందనం స్మగ్లర్

ఓనాడు బతుకు దెరువు కోసం టీవీ సీరియల్స్‌లో చిన్న చిన్న పాత్రలు వేసుకుంటూ పొట్టనింపుకునే సాదా సీదా క్యారెక్టర్‌ ఆర్టిస్ట్‌. ఎర్రచందనం అక్రమ రవాణాతో నేడు రూ.కోట్లకు పడగలెత్తాడు. సంపాదించిన సొమ్మును సినిమాలకు ఫైనాన్స్‌ చేస్తున్నాడు. ఇటీవలే విడుదలయిన తోటి క్యారెక్టర్‌ ఆర్టిస్ట్‌ హీరోగా నటించిన సినిమాకు కోట్లు పెట్టుబడి పెట్టాడు. అతడు ఎవరంటే ‘జబర్దస్త్’లో పలు స్కిట్లలో పాల్గొని, అమ్మాయి వేషంతో ఎన్నో మార్లు అలరించిన నటుడు హరి ఇప్పుడు పోలీసుల అదుపులో ఉన్నాడు. చిత్తూరు జిల్లా పోలీసులు ఇప్పుడు అతన్ని విచారిస్తున్నారు. షకలక శంకర్ నటించిన తాజా చిత్రం ‘శంభో శంకర’కు అవసరమైన ఫైనాన్స్ ను కూడా హరి అందించాడట. ఇతనిపై సుమారు 20 కేసులున్నాయని, తిరుపతికి చెందిన హరి నేరాలపై పక్కా ఆధారాలు సేకరించి అరెస్ట్ చేశామని పోలీసు అధికారులు చెబుతున్నారు. అయితే ఈ కేసులో మరో ఇద్దరు ఆర్టిస్టులు కూడా ఉన్నారని, త్వరలోనే వారిని అదుపులోకి తీసుకుంటామని పోలీసులు తెలిపారు.