అచ్చం కీర్తి సురేష్‌లానే..!

స్వామి-2, పందెంకోడి – 2, ఈ రెండు కూడా సీక్వెల్సే. మ‌రో విశేషం ఏమిటంటే ఈ రెండు సీక్వెల్స్‌లోనూ కీర్తి సురేష్ హీరోయిన్‌. అందుకే కీర్తి సురేష్‌ను సీక్వెల్స్ క్వీన్‌గా పిలుస్తున్నారు.అయ‌తే, బాలీవుడ్‌లో కూడా కీర్తి సురేష్ లాంటి సీక్వెల్స్ క్వీన్ ఉంది. అయితే, ఆమె సీక్వెల్స్‌లో క‌నిపించిన‌ప్పుడు మాత్ర‌మే వియాల‌ను అందుకుంటుంది.

శ్రీ‌లంక‌న్ బ్యూటీ జాక్వెలిన్‌కు బాలీవుడ్‌లో చాలానే ఫాలోయింగ్ ఉంది. న‌ట‌న యావ‌రేజ్‌గా ఉన్న‌ప్ప‌టికీ గ్లామ‌ర్‌తో కుర్ర‌కారు మ‌తి పోగొడుతుంది. పైగా స‌ల్మాన్ స‌పోర్ట్ ఉండ‌టంతో ఎప్ప‌టిక‌ప్పుడు క్రేజీ ప్రాజెక్స్ట్‌లో న‌టిస్తోంది. ముఖ్యంగా బాలీవుడ్ సీక్వెల్స్‌లో జాక్వెలిన్ త‌ప్ప‌నిస‌రిగా క‌నిపించాల్సిందే. అందుకే భాగీ-2లో ఆమెకు సంబంధం లేక‌పోయినా స్పెష‌ల్ సాంగ్‌ను క్రియేట్ చేసి జాక్వెలిన్‌కు ఛాన్స్ ఇచ్చారు. సీన్ క‌ట్ చేస్తే ఈ సినిమా సూప‌ర్ హిట్ అయింది.

బాలీవుడ్ బాక్సాఫీస్ వ‌ద్ద కాసులు కురిపించే సీక్వెల్స్ అన్నిటిలోనూ జాక్వెలిన్ రెగ్యుల‌ర్‌గా క‌నిపిస్తోంది. రేస్ -1, రేస్ -2, రేస్ – 3లో న‌టించింది. సీక్వెల్స్‌కు డైరెక్ట‌ర్లు మారొచ్చు.. హీరోలు మారొచ్చు.. కానీ, జాక్వెలిన్ స్థానం మాత్రం అలానే కొన‌సాగుతూ వ‌స్తొంది.

గ‌తంలో స‌ల్మాన్, జాక్వెలిన్ కిక్ మూవీలో క‌లిసి న‌టించిన విష‌యం తెలిసిందే. ఇప్పుడు కిక్ -2లోను వీరి జంట కొన‌సాగ‌నుంది. అలాగే, హౌస్‌ఫుల్ సీక్వెల్‌లోకూడా జాక్వెలిన్ న‌టిస్తుంది. జాక్వెలిన్ న‌టించిన అన్ని చిత్రాలు బాక్సాఫీసు వ‌ద్ద వ‌సూళ్ల‌ను పెంచుకుంటూ వ‌స్తున్నాయి.