అమెరికాకు మ‌కాం మార్చ‌బోతున్న సూప‌ర్ స్టార్‌..!

మ‌హేష్‌బాబు మారిపోయాడు. ప్ర‌స్తుతం సెట్స్‌పై ఉన్న సినిమాను చూస్తుంటే ఈ మాట మీరే అంటారు. భ‌ర‌త్ అనే నేను చిత్రం విడుద‌లై వంద రోజులు దాట‌కుండానే మ‌రో సినిమా మొద‌లు పెట్ట‌డ‌మే కాకుండా.. మొద‌టి షెడ్యూల్‌ను కూడా పూర్తి చేసేశాడు. అయితే, ఈ మ‌ధ్య కాలంలో సూప‌ర్ స్టార్ కెరీర్‌లో ఇలా ఎప్పుడు జ‌ర‌గ‌లేదు.

మహేష్ న‌టిస్తున్న 25వ సినిమా షూటింగ్ 24 రోజుల క్రితం డెహ్రాడూన్‌లో మొద‌లైంది. ఏక‌ధాటిగా సాగిన ఈ షెడ్యూల్ ముగించుకుని చిత్ర యూనిట్ హైద‌రాబాద్‌లో అడుగుపెట్టింది. ఈ షెడ్యూల్‌లో చిత్రంలో భాగంగా కాలేజీకి సంబంధించిన స‌న్నివేశాల‌ను చిత్రీక‌రించాడు ద‌ర్శ‌కుడు వంశీ పైడ‌ప‌ల్లి. ఇంకా పేరు పెట్ట‌ని మ‌హేష్‌బాబు 25వ చిత్రం షూటింగ్ నాన్‌స్టాప్‌గా జ‌రుగుతోంది. డెహ్రాడూన్ నుంచి హైద‌రాబాద్ కు వ‌చ్చిన చిత్ర బృందం కొన్ని స‌న్నివేశాల‌ను తెర‌కెక్కించే పనిలోప‌డింది.. హైద‌రాబాద్ షెడ్యూల్ త‌రువాత అమెరికాకు మ‌కాం మార్చ‌నుంది చిత్ర బృందం. సినిమాలో ఎక్కువ భాగం షూటింగ్ అమెరికాలో జ‌ర‌గ‌నుంద‌ని స‌మాచారం.