సీక్రెట్‌ను లీక్ చేసిన ఈషా రెబ్బ..!

ప్ర‌తీ సినిమాలో స్టార్ కాస్ట్ గురించి ముందే చెప్పేస్తారు. కానీ, కొన్ని పాత్ర‌లు ఎవ‌రు చేస్తారు అన్న విష‌యాన్ని సీక్రెట్‌గా ఉంచుతారు. ఆడియ‌న్స్‌ను స‌ర్‌ప్రైజ్ చేసే భాగంలోనే ఇదంతాను అనేది సినీ విశ్లేష‌కుల భావ‌న‌. ఇప్పుడు ప్ర‌ముఖ ద‌ర్శ‌కుడు త్రివిక్ర‌మ్ శ్రీ‌నివాస్ కూడా అదే చేయాల‌ని ప్ర‌య‌త్నించాడు. కానీ, ఆ సీక్రెట్ ఇప్పుడు లీక్ అయిపోయింది.

అయితే, త్రివిక్ర‌మ్ శ్రీ‌నివాస్‌, న‌ట రుద్రుడు ఎన్టీఆర్ ద‌ర్శ‌క‌త్వంలో తెర‌కెక్కుతున్న చిత్రం అర‌వింద స‌మేత‌. వీర రాఘ‌వ అనేది టైటిల్ క్యాప్ష‌న్‌. త్రివిక్ర‌మ్ చిత్రాల్లో ఇద్ద‌రు హీరోయిన్స్ ఉండ‌టం కామ‌న్‌. ఈ చిత్రంలో పూజా హెగ్దే తార‌క్‌తో జోడీ క‌డుతోంది. ఈ చిత్రం షూటింగ్ ఇటీవ‌ల నిర్విరామంగా జ‌రుగుతుంది. ఫ్యాక్ష‌న్ బ్యాక్ డ్రాప్‌లో తెర‌కెక్కుతున్న ఈ మూవీలో మ‌రో హీరోయిన్ కూడా ఉంద‌న్న విష‌యం ఇప్పుడు బ‌య‌ట‌ప‌డింది. ఇషా రెబ్బా ఇటీవ‌ల ఓ ఇంట‌ర్వ్యూలో ఓ నిజం బ‌య‌ట‌పెట్టింది. తార‌క్ చాలా స‌ర‌దాగా ఉంటార‌ని స్టేట్‌మెంట్ ఇచ్చేసింది. దాంతో తాను అర‌వింద స‌మేత చిత్రంలో న‌టిస్తున్నాన‌ని చెప్ప‌క‌నే చెప్పింది.