బిగ్‌బాస్ హౌస్‌లోకి బోల్డ్ హీరోయిన్ ఎంట్రీ..!

బిగ్‌బాస్ షోపై చాలా విమ‌ర్శ‌లు వ‌చ్చాయి. ఈ షోను చూసిన ప్ర‌తీ ఒక్క‌రు సీజ‌న్ వ‌న్‌తో పోల్చి.. సీజ‌న్ 2 చెప్పుకునేంత‌గా లేద‌ని లైట్‌గా తీసుకుంటున్నారు. మ‌రో ప‌క్క నాని హోస్టింగ్స్‌పై కూడా గాసిప్స్ వినిపించాయి. వీట‌న్నిటిని దృష్టిలో పెట్టుకున్న యాజ‌మాన్యం .. బిగ్‌బాస్ -2 సీజ‌న్‌ను కాస్త స్పైసీగా మార్చే ప్ర‌య‌త్నం చేస్తున్నారు. అందులో భాగంగానే ఓ అందాల భామ‌ను బిగ్‌బాస్ హౌస్‌లోకి ఎంట్రీ ఇవ్వ‌నుంద‌ని స‌మాచారం.

అయితే, వైల్డ్‌కార్డ్ ఎంట్రీ ద్వారా నందిని అనే అమ్మాయి బిగ్‌బాస్ హౌస్‌లోకి వ‌చ్చిన విష‌యం తెలిసిందే. అయితే, ఈమె వ‌ల్ల బిగ్‌బాస్ షోకు పెద్ద‌గా లాభం లేద‌ని నిర్వాహ‌కులు భావిస్తున్నారట‌. ఈ క్ర‌మంలోనే కుమారి 21 ఎఫ్ చిత్రంతో యూత్ హృద‌యాల‌ను కొల్ల‌గొట్టిన హెబ్బాప‌టేల్‌ను రంగంలోకి దింపాల‌ని చూస్తున్నార‌ట‌. తెర‌మీద చాలా బోల్డ్‌గా క‌నిపించే హెబ్బా బిగ్‌బాస్ షోకుస్పెష‌ల్ ఎట్రాక్ష‌న్‌గా మార‌బోతుంద‌ని వార్త‌లు వ‌స్తున్నాయి. పైగా హెబ్బాకు ప్ర‌స్తుతం సినిమా అవ‌కాశాలుకూడా లేవు కాబ‌ట్టి త‌ప్ప‌కుండా హౌస్‌లోకి ఎంట్రీ ఇస్తుంద‌ని గుస‌గుస‌లు వినిపిస్తున్నాయి.