న‌వ మ‌న్మ‌ధుడిని ”ఈ గెట‌ప్‌లో ఎప్పుడూ చూసి ఉండ‌రు”..!

అక్కినేని నాగార్జున టాలీవుడ్ త‌న‌కు ఇచ్చిన మ‌న్మ‌ధుడ‌నే బిరుదును నిల‌బెట్టుకుంటున్నారు. ఊపిరి, మ‌నం, సోగ్గాడే చిన్ని నాయ‌నా, ఓం న‌మో వెంక‌టేశాయ వంటి చిత్రాల‌తో టాలీవుడ్‌కు విజ‌యాల‌ను అందించాడు. అంతేకాకుండా, ప్ర‌తీ చిత్రంలోనూ ఏదో ఒక వైవిధ్య పాత్ర పోషిస్తూ త‌న అభిమానుల‌తోపాటు.. సినీ విశ్లేష‌కుల ప్ర‌శంస‌ల‌ను అందుకుంటున్నారు ఈ మ‌న్మ‌ధుడు. అయితే, ఇటీవ‌ల కాలంలో నాగార్జున‌, వివాదస్ప‌ద ద‌ర్శ‌కుడు రామ్‌గోపాల్ వ‌ర్మ కాంబోలో వ‌చ్చిన ఆఫీస‌ర్ చిత్రం బాక్సీఫీస్ వ‌ద్ద బోల్తా ప‌డిన‌ప్ప‌టికీ.. ఆ అప‌జ‌యం మ‌న్మ‌ధుడి త‌రువాత చిత్రాల‌పై ప‌డ‌క‌పోవ‌డం గ‌మ‌నార్హం.

ఇదిలా ఉండ‌గా, పాత‌కాలం నాటి క‌ళ్ల‌జోడుతో.. తెల్ల‌గ‌డ్డంతో.. అచ్చం ప‌ల్లెటూరి పెద్దాయ‌న గెట‌ప్‌లో అక్కినేని నాగార్జున దిగిన ఫోటో ఒక‌టి సోష‌ల్ మీడియాలో వైర‌ల్ అవుతోంది. నాగార్జున‌ను చూసిన వారంతా.. ఈ గెట‌ప్ బాగుంద‌ని ప్ర‌శంసిస్తున్నారు. అక్కినేని అభిమానులు ఆ ఫోటోను సోస‌ల్ మీడియాలో షేర్ చేస్తూ వారి ఆనందాన్ని వ్య‌క్త ప‌రుస్తున్నారు. అయితే, నాగార్జున‌, నేచుర‌ల్ స్టార్ నాని ప్ర‌ధాన పాత్ర‌దారులుగా తాజాగా న‌టిస్తున్న చిత్రం దేవ‌దాస్. ఈ చిత్రంలో నాగార్జున ఓల్డ్‌మేన్ గెట‌ప్‌లో ఉండ‌బోతున్నాడంటూ చిత్ర‌పురి కాల‌నీ వాసులు చ‌ర్చించుకుంటున్నారు.