రాష్ట్రాన్ని దోచుకోవ‌డం ఎలా..? అన్న అంశంపై చంద్ర‌బాబు శిక్ష‌ణ‌..!

రాష్ట్రాన్ని ఎలా దోచుకోవాలి..? మ‌హిళ‌ల‌పై ఎలా దాడులు చేయాలి..? నిరుద్యోగుల‌ను, రైతుల‌కు, డ్వాక్రా మ‌హిళ‌లను ఎలా మోసం చేయాలి..? ప్ర‌తిప‌క్ష నేత‌లను ఎలా బూతులు తిట్టాలి..? నిర్మాణాల్లో ఉన్న నీటిపారుద‌ల ప్రాజెక్టుల్లో ఎలా అవినీతికి పాల్ప‌డాలి..? అన్న అంశాల‌పై టీడీపీ నేత‌ల‌కు ఏపీ ముఖ్య‌మంత్రి నారా చంద్ర‌బాబు నాయుడు శిక్ష‌ణ ఇస్తున్నారు. నాడు దివంగ‌త ముఖ్య‌మంత్రి వైఎస్ రాజ‌శేఖ‌ర్‌రెడ్డిని ఎదుర్కోలేక పోయారు.. నేడు ఆయ‌న కుమారుడు వైసీపీ అధినేత వైఎస్ జ‌గ‌న్‌ను ఎదుర్కోలేక అక్ర‌మ కేసులు బ‌నాయించారు. మీకు దమ్ముంటే.. వైసీపీ నుంచి టీడీపీలోకి ఫిరాయించిన ఎమ్మెల్యేల‌చేత రాజీనామాలు చేయించి ఎన్నిక‌ల‌కు రండి అంటూ వైసీపీ నేత వాసిరెడ్డి ప‌ద్మ స‌వాల్ విసిరారు.

కాగా, ఇవాళ వైసీపీ నేత వాసిరెడ్డి ప‌ద్మ మీడియాతో మాట్లాడుతూ.. ఏమయ్యా లోకేషు (ఏపీ ఐటీశాఖ మంత్రి నారా లోకేష్‌) జ‌గ‌న్‌కు 16 నెల‌ల జైలు అనుభ‌వం, చంద్ర‌బాబుకు 40 ఏళ్ల రాజ‌కీయ అనుభ‌వం ఉందంటావా..? అస‌లు నీవు మంత్రివేనా..? నీ గురించి ప్ర‌జ‌లు ఏమ‌నుకుంటున్నారో తెలుసా..? ఒక్క‌సారి ప్ర‌జ‌ల్లోకి వెళ్లి చూడు తెలుస్తుంది అంటూ హిత‌వు ప‌లికారు. వైఎస్ జ‌గ‌న్ త‌న‌పై అక్ర‌మ కేసులు బ‌నాయించినా కూడా ద‌మ్మున్న నేత‌గా వాటిని ఎదుర్కొంటున్నాడ‌ని, చంద్ర‌బాబులా స్టేలు తెచ్చుకుని విచార‌ణ‌ను ప‌క్క‌దారి ప‌ట్టించ‌డం లేద‌ని చెప్పారు వైసీపీ నేత వాసిరెడ్డి ప‌ద్మ‌.