యూట్యూ బ్ లో సంచలనం సృష్టిస్తున్న వైఎస్సాఆర్ బయో పిక్ టీజర్

నేడు ఉమ్మడి ఆంధ్రప్రదేశ్ దివంగత ముఖ్యమంత్రి వైఎస్‌ రాజశేఖర రెడ్డి జయంతి.ఈ జయంతి సందర్భంగా అయన అభిమానులు,వైసీపీ శ్రేణులు రాష్ట్రవ్యాప్తంగా ఘనంగా వేడుకలు జరుపుకుంటున్నారు.ఈ క్రమంలోనే అయన జీవిత చరిత్ర ఆధారంగా ‘యాత్ర’ అనే పేరుతో బయోపిక్ తెరకెక్కుతున్న సంగతి తెలిసిందే.మళయాళ మెగాస్టార్‌ మమ్ముటీ వైయస్ పాత్రను పోషిస్తున్నారు. ఆనందోబ్రహ్మ ఫేమ్‌ మహి రాఘవ డైరెక్షన్‌లో ‘యాత్ర’ తెరకెక్కుతోంది.

అయితే ఇవాళ అయన జన్మదినం సందర్బంగా చిత్ర నిర్వాహకులు అర్ధరాత్రి 12 గంటలకు సినిమా టీజర్ ను విడుదల చేశారు. అయితే గంటల వ్యవధిలో విడుదలైన ఈ టీజర్ కు సోషల్ మీడియాలో అద్భుతమైన స్పందన వచ్చింది. కేవలం ఈ టీజర్ విడుదలైన 6 గంటల్లోనే యూట్యూబ్ రెండు లక్షల మంది వీక్షించడం గమనార్హం.. అయితే ఇప్పటివరకు విడుదలైన ఏ సినిమా బయోపిక్ టీజర్ కు కూడా ఇంత రెస్పాన్స్ రాలేదు.దీంతో యాత్ర బయోపిక్ ఒక రికార్డ్ ను సొంతం చేసుకుంది.

టీజర్‌ విషయానికొస్తే…

పాదయాత్ర ప్రారంభించే ముందు వైఎస్సార్‌ మాటల్ని గుర్తు చేస్తూ టీజర్‌ ప్రారంభమైంది. ‘తెలుసుకోవాలని ఉంది.. వినాలని ఉంది.. ఈ కడప దాటి ప్రతీ గడపలోకి వెళ్లాలని ఉంది.. వాళ్లతో కలిసి నడవాలని ఉంది.. వాళ్ల గుండె చప్పుడు వినాలని ఉంది. గెలిస్తే పట్టుదల అంటారు, ఓడిపోతే మూర్ఖత్వం అంటారు. పాదయాత్ర నా మూర్ఖత్వమో.. పట్టుదలో… చరిత్రే నిర్ణయిస్తుంది’ అంటూ సాగింది.