వివాదాల్లో హీరో విజ‌య్‌..!

కోలీవుడ్ ప్ర‌ముఖ హీరో ఇళ‌య ద‌ళ‌ప‌తి విజ‌య్‌పై ఇటు సినీ విశ్లేష‌కుల‌తోపాటు సామాజిక కార్య‌క‌ర్త‌లు కూడా పెద‌వి విరుస్తున్నారు. దీనికంత‌టికి కార‌ణం ఒక్క పోస్ట‌ర్‌, అయితే, ప్ర‌ముఖ ద‌ర్శ‌కుడు ముర‌గ‌దాస్, హీరో విజ‌య్ కాంబోలో ఓ చిత్రం తెర‌కెక్కుతున్న విషయం తెలిసిందే. ఇటీవ‌లే ఆ చిత్రానికి స‌ర్కార్ అనే టైటిట్‌ను కూడా ఫిక్స్ చేశారు. ఈ క్ర‌మంలోనే హీరో విజ‌య్ పుట్టిన రోజును పుర్క‌రించుకుని ఆ చిత్ర బృందం స‌ర్కార్ ఫ‌స్ట్ లుక్‌ను విడుదల చేసింది. ఆ ఫ‌స్ట్ లుక్ పోస్ట‌రే ఇప్పుడు విజ‌య్‌పై విమ‌ర్శ‌లకు దారి తీసింది.

ఇంత‌కీ ఆ ఫ‌స్ట్ లుక్ పోస్ట‌ర్‌లో అంత‌లా ఏమందంటే..? సిగ‌రేట్‌. అవును. హీరో విజ‌య్ సిగ‌రేట్ తాగుతున్న‌ట్టు ఉన్న ఆ ఫ‌స్ట్‌లుక్‌పై సామాజిక కార్య‌క‌ర్త‌లు పెద‌వి విరుస్తున్నారు. మ‌ద్యం, సిగ‌రేట్‌, హింసాత్మ‌క స‌న్నివేశాల్లో న‌టించ‌న‌ని చెప్పిన విజ‌య్ ఇప్పుడు సిగ‌రేట్ తాగుతూ త‌న అభిమానుల‌కు ఏం సందేశం ఇస్తున్నారో చెప్పాల‌ని సామాజిక కార్య‌క‌ర్త‌లు ప్ర‌శ్నించారు.