Home / NATIONAL / తెలంగాణ అభివృద్ధిపై 29 రాష్ట్రాల ప్రాంతీయ పార్టీల ఎన్ఆర్ఐ ప్రతినిధులు ప్రశంసలు..

తెలంగాణ అభివృద్ధిపై 29 రాష్ట్రాల ప్రాంతీయ పార్టీల ఎన్ఆర్ఐ ప్రతినిధులు ప్రశంసలు..

rameshbabu June 11, 2018 NATIONAL, TELANGANA 1,122 Views

దేశ రాజకీయాల్లో గుణాత్మక మార్పుకొరకై తెలంగాణ ముఖ్యమంత్రి కేసీఆర్ ఫెడరల్ ఫ్రంట్ కు మద్దతుగా టీఆర్ఎస్ ఆస్ట్రేలియా శాఖ అధ్యక్షుడు నాగేందర్ రెడ్డి కాసర్ల అధ్యక్షతన, విక్టోరియా స్టేట్ ఇంచార్జి సాయిరాం ఉప్పు ఆధ్వర్యంలో మెల్బోర్న్ నగరంలో నిర్వహించిన చర్చావేదికకు అపూర్వ స్పందన లభించింది. ఈ కార్యక్రమంలో భారతదేశానికి చెందిన 29 రాష్ట్రాలకు సంబందించిన అన్ని ప్రధాన ప్రాంతీయ పార్టీల ప్రవాస సభ్యుల మరియు మద్దతుదారులతోపాటు, ప్రవాస భారతీయ మేధావులు, కవులు మరియు వక్తలతో మేధోమధనం, చర్ఛ జరిగింది.

see also:మత్స్యకారుల జీవితాల్లో వెలుగులు..!!

గత నాలుగేళ్లలో తెలంగాణ రాష్ట్రం అసాధారణ అభివృద్ధిని సాధించింది, ఇది కేవలం గౌరవ కెసిఆర్ ద్వారానే సాధ్యపడింది. ప్రతి ఇంటికి కేవలం ఒకరూపాయికే నల్లా కనెక్షన్ ద్వారా స్వచ్ఛమైన త్రాగునీరు అందిస్తున్న కెసిఆర్ గారు ఇలాంటి అమోఘమైన పథకాలను దేశవ్యాప్తంగా ప్రవేశపెట్టాలి, దేశానికి మీలాంటి నాయకుడు కావాలి.

అజయ్ కుమార్ – ప్రవాస సమాజ్ వాదీ పార్టీ ప్రతినిధి – ఉత్తర్ ప్రదేశ్.

తెలంగాణ అంటేనే అభివృద్ధికి మారు పేరులా మారింది, ప్రపంచం మొత్తం నేడు తెలంగాణ వైపు చూస్తుంది. ప్రతి రాజకీయనాయకుడికి కెసిఆర్ గారు మార్గదర్శి అయ్యారు. ఇటీవలే ఇండియాలోని మా నాయకులను కలిసిన కెసిఆర్ గారికి మా సంపూర్ణ మద్దతు కలదు, మీ అభివృద్ధి ఫలాలను అన్ని రాష్ట్రాల్లో అమలుచేసి దేశాన్ని కూడా అభివృద్ధి పరచండి.

కుషు – ప్రవాస శిరోమణి అకాలీదళ్ ప్రతినిధి – పంజాబ్.

ఈ చర్చావేదికకు నన్ను ఆహ్వానించినందుకు టి ఆర్ ఎస్ సభ్యులకు నా ధన్యవాదాలు.కేవలం కెసిఆర్ గారి విజ్ఞానం, రాజకీయ అనుభవం ద్వారానే తెలంగాణాలో ఇంతటి అభివృద్ధి సాధ్యమైంది. ఒక్కో ఎకరానికి సంవత్సరానికి ఎనిమిది వేయిల పంట పెట్టుబడి సహాయం నన్ను ఎంతగానో ఆకర్షింది, నిజంగా కెసిఆర్ గారికి రైతులందరూ కృతజ్ఞత తెలపాలి, మీరు దేశంలో వున్న రైతులందరికీ ఇలాంటి చేయూతనివ్వాలి.

అనిల్ కుమార్ – ప్రవాస లోక్ జనశక్తి ప్రతినిది.

ఇంత గొప్ప కార్యక్రమంలో నేను పాలుపంచుకోవడం చాల సంతోషంగా భావిస్తాను, టి ఆర్ ఎస్ ఆస్ట్రేలియా సభ్యులకు ధన్యవాదాలు. తెలంగాణ పాలన జనరంజకంగా సాగుతుంది, షాదీ ముబారక్ పథకం ఎంతో గొప్పది, ఆడ పిల్లలకు అందిస్తున్న ఈ చేయూత ఎంతో గర్వకారణం. మీ పథకాలన్నీ ఇండియాలోని అన్ని రాష్ట్రాల్లో ప్రవేశపెట్టాలి, మీరు దేశాధినేత కావాలి.

సౌమ్య కుమార్ – జనతాదళ్ సెక్యులర్ – కర్ణాటక.

టి ఆర్ ఎస్ ఆస్ట్రేలియా చేపట్టిన ఈ మహత్తర కార్యక్రమంలో ఇంతమంది ప్రవాస భారతీయులు పాల్గొనటం ఎంతో సంతోషకరమైన విషయం. గౌరవ కెసిఆర్ గారి నాయకత్వంలో తెలంగాణ అభివృద్ధిపథంలో దూసుకుపోతుంది. ఆసరా పెన్షన్లు కెసిఆర్ గారి నిబద్ధతకు నిదర్శనం, ప్రజాసంక్షేమం కోసం పాటుపడుతున్న కెసిఆర్ గారిని ప్రధానమంత్రిగా చూఫలన్న కోరిక ఈ చర్చకువచ్చిన వాళ్లందరిలో వుంది, దాన్ని నేను బలంగా సమర్థుస్తున్నాను.

ఫారెల్ – ప్రవాస బహుజన సమాజ్ పార్టీ ప్రతినిధి – మహారాష్ట్ర.

ఈ సమావేశంలో టి ఆర్ ఎస్ ఆస్ట్రేలియా సభ్యుల ద్వారా ప్రదర్షింపబడిన వీడియోలు చూసినతరువాత కెసిఆర్ గారిని ఎంతపొగిడినా తక్కువే అవుతుంది, కేవలం నాలుగేళ్లలో జరిగిన ఈ అభివృద్ధి, నాతోపాటు హాజరైన మిగతా సభ్యులను కూడా విస్మయానికి గురిచేసింది. ఈ అభివృద్ధిఫలాలను కేవలం తెలంగాణ రాష్ట్రంలోనే కాకుండా దేశమంతటా విస్తరింపజేల్సిన బాధ్యత కెసిఆర్ గారిపై ఉంది, అందుకు మనమందరం మద్దతునివ్వాలి.