మోహన్‌లాల్ ఛాలెంజ్‌ ను స్వీకరించిన ఎన్టీఆర్‌..!

కేంద్రమంత్రి రాజ్యవర్థన్‌ రాథోడ్‌ ప్రారంభించిన ‘హమ్‌ ఫిట్‌ హైతో ఇండియా ఫిట్‌’ ఛాలెంజ్‌లో భాగంగా సినీ, రాజకీయ, క్రీడా ప్రముఖులు ఫిట్‌నెస్ ఛాలెంజ్‌లో పాల్గొంటూ వీడియోలు పోస్ట్‌ చేస్తున్న సంగతి తెలిసిందే. ఈనేపథ్యంలో ప్రముఖ నటుడు మోహన్‌లాల్‌..ఎన్టీఆర్‌‌కు సవాలు విసురుతూ ఇటీవల తన ఫిట్‌నెస్‌ వీడియోను సోషల్‌మీడియాలో పోస్ట్‌ చేశారు. ఆ సవాలును ఇప్పుడు తారక్‌ స్వీకరించారు.

తన ఫిట్‌నెస్‌ ట్రైలర్‌ లాయిడ్ స్టీవెన్స్ పర్యవేక్షణలో తారక్‌ లెగ్‌ కర్ల్స్‌(కాళ్లతో చేసే కసరత్తులు ) చేస్తున్న వీడియోను ట్విటర్‌లో పోస్ట్‌ చేశారు. ‘ఛాలెంజ్‌ యాక్సెప్టెడ్‌ మోహన్‌లాల్‌ సర్‌. లాయిడ్‌ స్టీవెన్స్‌ పర్యవేక్షణలో నా ఫిట్‌నెస్‌ రొటీన్‌లో భాగంగా ఈ కసరత్తులు చేశాను. ఇప్పుడు నేను కల్యాణ్‌రామ్‌, మహేశ్‌బాబు, రామ్‌చరణ్‌, రాజమౌళి, కొరటాలశివకు సవాలు విసురుతున్నాను. ఉపాసన..ఈ విషయాన్ని చరణ్‌కు చెప్పండి’ అని ట్వీట్‌లో పేర్కొన్నారు. తారక్‌ ట్యాగ్‌ చేసినవారందరికీ ట్విటర్‌ ఖాతాలు ఉన్నాయి. కానీ చరణ్‌కు లేదు. ఆయన సతీమణి ఉపాసనకు ఖాతా ఉంది కాబట్టి ఆమెకు ట్యాగ్‌ చేశారు తారక్‌.

Challenge accepted sir @Mohanlal ! This is a part of my fitness routine with @lloydstevenspt . I now challenge @NANDAMURIKALYAN , @urstrulyMahesh , Charan , @ssrajamouli & @sivakoratala to take the #HumFitTohIndiaFit challenge. Psst @upasanakonidela ..plz convey this to Charan pic.twitter.com/zoGjzzHNsC

— Jr NTR (@tarak9999) May 31, 2018