ఇప్పుడున్న ట్రెండ్ చూస్తే ” జగన్ ఖచ్చితంగా సీఎం ” అవుతాడు..సూపర్ స్టార్ కృష్ణ

తెలుగు సినిమా జేమ్స్ బాండ్ సూపర్ స్టార్ కృష్ణ జన్మదినం సందర్భంగా తన అభిమానులు ఘనగా జరుపుకుంటున్నారు.అయన తనయుడు ప్రిన్స్ మహేష్ బాబు కూడా కృష్ణ కి ట్విట్టర్ ద్వారా జన్మదిన శుభాకాంక్షలు తెలిపారు.అయితే తన పుట్టిన రోజును పురస్కరించుకొని కృష్ణ ఓ ప్రముఖ టీ వీ చానెల్ కు ఇంటర్వ్యూ ఇచ్చారు.ఈ ఇంటర్వ్యూ కొన్ని ఆసక్తికరమైన విషయాలను అయన వెల్లడించారు.రాజీవ్ గాంధీ కోసమే తాను రాజకీయాల్లోకి వెళ్లాల్సి వచ్చిందన్నారు.ఆయనే స్వయంగా రాజకీయాల్లోకి రావాల్సిందిగా ఆహ్వానించారని తెలిపారు.

ఈ సందర్భంగా దివంగత  ముఖ్యమంత్రి వైఎస్ రాజశేఖర్ రెడ్డి తో తనకున్న అనుభవాలను పంచుకున్నారు.అయితే ఓవరాల్ గా ఏ ముఖ్యమంత్రి అంటే ఇష్టమని ఆ విలేకరు అడుగగా.. వైఎస్ రాజశేఖర్ రెడ్డి అంటే చాలా ఇష్టమని అన్నారు .వాళ్ళ అబ్బాయి జగన్ పాదయాత్ర చేస్తున్నారు కదా.. మీరు ఎట్లా అనుకుంటున్నారు..? అని అడుగ్గా.. జగన్ ను జనం భాగా రిసీవ్ చేసుకుంటున్నారు.జగన్ ఏ ఉరు వెళ్ళినా ఇసుకేస్తే రాలనంత జనం వస్తున్నారని చెప్పారు.మండుటెండలో నడవటం అనేది అందులో మే నెల లో ప్రజలకోసం నడవటం చాలా అభినందించాల్సిన విషయమన్నారు.వచ్చే ఎన్నికల్లో గెలిచి ముఖ్యమంత్రి అవుతారా..? అని ఆ విలేకరు అడుగగా ఇప్పుడున్న పొలిటికల్ ట్రెండ్ చూస్తే జగన్ ఖచ్చితంగా ముఖ్యమంత్రి అవుతారని అన్నారు. జగన్ ఎక్కడ ఎప్పుడు కలిసినా మంచిగా పలుకరిస్తారని చెప్పారు.