ఏపీ బీజేపీ సీఎం అభ్య‌ర్థిగా సీబీఐ మాజీ జేడీ ల‌క్ష్మీనారాయ‌ణ‌..?

ఏపీ బీజేపీ సీఎం అభ్య‌ర్థిగా సీబీఐ మాజీ జేడీ ల‌క్ష్మీ నారాయ‌ణ‌..? అవును, ఇప్పుడు ఇదే న్యూస్ రాజ‌కీయ వ‌ర్గాల్లో పెను సంచ‌ల‌నం రేపుతోంది. అయితే, ఏపీలో సీబీఐ జేడీగా విధులు నిర్వ‌హించిన ల‌క్ష్మీ నారాయ‌ణ ముంబై అడిష‌న‌ల్ డీజీపీగా బ‌దిలీ అయిన విష‌యం తెలిసిందే. ఇక అప్ప‌ట్నుంచి ల‌క్ష్మీ నారాయ‌ణ రాజకీయాల్లోకి ఎంట్రీ ఇస్తున్నారంటూ ప‌లు వార్తా ప‌త్రిక‌లు క‌థ‌నాలను ప్ర‌చురించాయి. అంద‌రూ భావించిన‌ట్టే ల‌క్ష్మీ నారాయ‌ణ త‌న ఉద్యోగానికి రాజీనామా చేసి మ‌రీ రాజకీయ రంగ ప్ర‌వేశం చేశారు.

రాజ‌కీయ రంగ‌ప్ర‌వేశం చేసిన ల‌క్ష్మీ నారాయ‌ణ ఇప్ప‌టి వ‌ర‌కు సొంతంగా పార్టీ పెట్ట‌క‌పోగా.. ప‌లాన పార్టీలో చేర‌బోతున్నానంటూ ప్ర‌క‌టించిన దాఖ‌లాలు లేవు. ఈ నేప‌థ్యంలో ల‌క్ష్మీ నారాయ‌ణ బీజేపీలో చేర‌బోతున్నారంటూ ఓ క‌థ‌నం సోష‌ల్ మీడియాలో వైర‌ల్ అయింది. అది కూడా ఏపీ బీజేపీ సీఎం అభ్య‌ర్థిగా అంటూ ఆ క‌థ‌నం పేర్కొంది. మ‌రీ ఈ ప్ర‌చారంపై  ల‌క్ష్మీ నారాయ‌న ఎలా స్పందిస్తార‌న్న‌ది ఆస‌క్తిగా మారింది.