రాజుగాడు వచ్చేస్తున్నాడు..!!

యువ హీరో రాజ్ త‌రుణ్ ఏదోలా వ‌చ్చి హీరో అయిపోలేదు. చాలా క‌ష్టాలు ప‌డ్డాడు. ఆ తరువాతే అత‌ను టాలీవుడ్ హీరో అవ‌డం జ‌రిగింది. రాజ్ త‌రుణ్ అసిస్టెంట్ డైరెక్ట‌ర్‌గా చేస్తున్న సినిమా సడెన్‌గా ఆగిపోవ‌డంతో.. మ‌ళ్లీ సినిమా స్టార్ట్ అయితే పిలుస్తామ‌ని చెప్పార‌ట‌. దీంతో రాజ్‌త‌రుణ్ చేసేది లేక రూముకు వ‌చ్చేశాడు. రూమ్ రెంట్ క‌ట్ట‌క‌పోవ‌డంతో.. రాజ్ త‌రుణ్‌ను ఆ ఇంటి ఓన‌ర్ రేములోకి రానివ్వ‌లేద‌ట‌. దీంతో రాజ్ త‌రుణ్ 15 రోజుల‌పాటు రూము బ‌య‌ట ఉన్న అరుగుపైనే ప‌డుకుంటూ నీళ్లుతాగుతూనే జీవ‌నం సాగించాడ‌ట‌. ఈ మాట‌న్నీ ఓ టాలీవుడ్ సీనియ‌ర్ న‌టుడు ఓ ఇంట‌ర్వ్యూలో చెప్పుకొచ్చాడు.

అయితే, యంగ్ హీరో రాజ్‌తరుణ్ ‘రాజుగాడు’ చిత్రం జూన్ 1న విడుదల కానుంది. ఇటీవలే విడుదలైన పాటలకు మరియు చిత్ర ట్రైలర్‌కు విశేష స్పందన వచ్చింది. రాజ్‌తరుణ్‌తో ‘ఈడో రకం ఆడో రకం’, ‘అందగాడు ‘, ‘కిట్టు ఉన్నాడు జాగ్రత్త’ వంటి విజయవంతమైన చిత్రాలనందించిన ఎ.కె.ఎంటర్ టైన్మెంట్స్ పతాకంపై రామబ్రహ్మం సుంకర నిర్మించిన చిత్రం కావడంతో ‘రాజు గాడు’ పై ప్రేక్షకుల్లో భారీ ఆసక్తి నెలకొంది. ఈ చిత్రంతో సంజనారెడ్డి దర్శకురాలిగా పరిచయమవుతున్నారు.

చిత్రంలోరాజ్ తరుణ్ సరసన అమైరా దస్తూర్ కథానాయికగా నటించగా డా. రాజేంద్ర ప్రసాద్ కీలక పాత్రలో కనిపించనున్నారు. హిలేరియస్ కామెడీతో ఫామిలీ ఎంటర్‌టైనర్‌గా వస్తున్న ఈ చిత్రానికి సక్సెస్‌ఫుల్ మ్యూజిక్ డైరెక్టర్ గోపి సుందర్ సంగీతం అందించారు. ఆడియో లాంచ్ మరియు ప్రీ రిలీజ్ ఈవెంట్‌లను త్వరలో జరపనున్నారు.