ఇలాంటి వ్య‌క్తిని ప్ర‌జ‌లు వ‌దులుకోరు – సినీన‌టుడు సంచ‌ల‌న వ్యాఖ్య‌లు..!!

ఒక ప‌క్క మొఖాన ఎర్ర మ‌ట్టి కొడుతోంది. మ‌రో ప‌క్క సూర్యుడు స‌రిగ్గా క‌ళ్ల‌ల్లో త‌న ఎండను జిమ్మిస్తున్నాడు.. అయినా లెక్క చేయ‌డు. అటువంటి ఆయ‌న‌తో ఒక ఊరిలో ప్రారంభం నుంచి చివ‌రి వ‌ర‌కు క‌నీసం 3 కిలో మీట‌ర్లు న‌డ‌వ‌లేక పోయా.. అటువంటిది ఆయ‌న రెండు వేల పాద‌యాత్ర‌ను పూర్తి చేశాడు.. నిజంగా ఆయ‌న ప్ర‌జ‌ల కోస‌మే పుట్టాడు అంటూ ఏపీ ప్ర‌ధాన ప్ర‌తిప‌క్ష నేత‌, వైఎస్ఆర్ కాంగ్రెస్ పార్టీ అధినేత వైఎస్ జ‌గ‌న్‌ను ఉద్దేశిస్తూ పోసాని కృష్ణ ముర‌ళీ ఆస‌క్తిక‌ర వ్యాఖ్య‌లు చేశారు.

నేను జ‌గ‌న్‌ను చూసిన త‌రువాత.. ఇలాంటి వ్య‌క్తే రాష్ట్రానికి ముఖ్య‌మంత్రి కావాలి. మిగ‌తా పార్టీ నేత‌ల్లా మోస పూరిత హామీలు ఇవ్వ‌డు. అలాంటి హామీలు ఇచ్చి, ప్ర‌జ‌ల‌ను మోసం చేసి.. ప్ర‌స్తుతం కొంద‌రు అధికారం అనుభవిస్తున్నారు. అలాంటి మోస పూరిత హామీలు ఇచ్చేందుకు జ‌గ‌న్ సాహ‌సించ‌డు. ఎందుకంటే.. జ‌గ‌న్‌కు ప్ర‌జ‌ల‌ను మోసం చేయ‌డం తెలీదు అంటూ పోసాని కృష్ణ ముర‌ళీ తెలిపారు. 2019లో జ‌గ‌న్‌ను గెలిపించేందుకు ప్ర‌జ‌లు సిద్ధంగా ఉన్నార‌ని తెలిపారు పోసాని కృష్ణ ముర‌ళీ.