ఈ రోజు సాయంత్రం బెంగళూరుకు సీఎం కేసీఆర్..!!

రేపు మధ్యాహ్నం 12 గంటలకు బెంగళూరు కంఠీరవ స్టేడియంలో తాను చేయబోయే ప్రమాణ స్వీకార కార్యక్రమానికి హాజరు కావాలంటూ జేడీఎస్ అధినేత కుమారస్వామి తెలుగురాష్ట్రాల సిఎంలకు ఆహ్వానం పంపిన విషయం తెలిసిందే .ఈ క్రమంలోనే గులాబీ అధినేత ,ముఖ్యమంత్రి కేసీఆర్ కేసీఆర్ ఈ రోజు సాయంత్రం బెంగుళూరు వెళ్లనున్నారు.కర్ణాటక 24వ ముఖ్యమంత్రిగా ప్రమాణస్వీకారం చేయబోతున్న హెచ్‌డీ కుమారస్వామిని సీఎం అభినందించనున్నారు. రాష్ట్రంలో రేపు అత్యవసర సమావేశాల దృష్ట్యా ఇవాళ రాత్రికే సీఎం కేసీఆర్ హైదరాబాద్‌కు తిరిగిరానున్నారు. దేశంలో గుణాత్మక రాజకీయాలు తేవాలనే లక్ష్యంతో ప్రాంతీయ పార్టీల నేతలను ఒక్కతాటిపైకి తేవడానికి ఏప్రిల్ 13న బెంగళూరు వెళ్లి మాజీ ప్రధాని హెచ్‌డీ దేవెగౌడ, జేడీఎస్ నేత కుమారస్వామిలతో కేసీఆర్ చర్చించారు. కర్ణాటక ప్రభుత్వ ఏర్పాటులో జేడీఎస్ కీలకమవుతుందని ఆనాడే మీడియా సమావేశంలో కేసీఆర్ ప్రకటించగా, ఫలితాల తర్వాత ఆయన అంచనాలే నిజమయ్యాయి.