‘రుద్రమదేవి’ సినిమా మాటల‌ రచయిత..ఆత్మహత్యాయత్నం

టాలీవుడ్ లో అనుష్క టైటిల్‌ పాత్రలో నటించిన ‘రుద్రమదేవి’ సినిమాకు మాటల‌ రచయితగా పనిచేసిన రాజసింహ ఆత్మహత్యాయత్నానికి పాల్పడ్డారు. ప్రస్తుతం ముంబయిలో ఉంటున్న ఆయన కొంతకాలంగా సినిమా అవకాశాలు లేకపోవడంతో కుంగిపోయారు. మానసిక ఒత్తిడితో బుధవారం రాత్రి తన నివాసంలో నిద్రమాత్రలు మింగి ఆత్మహత్యాయత్నం చేశారు.
ఇంట్లోవారు గమనించి హుటాహుటిన ఆస్పత్రికి తరలించారు. ప్రస్తుతం ఆయన చికిత్స పొందుతున్నట్లు తెలుస్తోంది. ‘రుద్రమదేవి’ సినిమాలో తెలంగాణ యాసలో డైలాగులు బాగా రాశారని అల్లు అర్జున్‌ ఓ కార్యక్రమంలో రాజసింహను ప్రశంసించారు. ఇందులో బన్నీ గోన గన్నారెడ్డి అనే పాత్రలో నటించారు. సందీప్‌ కిషన్‌ నటించిన ‘ఒక అమ్మాయి తప్ప’ సినిమాకు రాజసింహ దర్శకత్వం వహించారు.