రైతుబంధు ప‌థ‌కంపై కేటీఆర్ నూత‌న ప్ర‌క‌ట‌న‌

తెలంగాణ ఐటీ శాఖ‌మంత్రి కేటీఆర్ మ‌రో సంచ‌ల‌న నిర్ణ‌యాన్ని ట్విట్ట‌ర్ వేదిక‌గా పంచుకున్నారు. తెలంగాణ రాష్ట్ర ప్ర‌భుత్వం రైతన్నల సంక్షేమానికి విప్లవాత్మకంగా అమలు చేస్తున్న రైతుబంధు పథకం అన్న‌దాతల జీవితాల్లో వెలుగులు నింపుతున్న సంగ‌తి తెలిసిందే. అయితే ఈ ప‌థ‌కానికి సహాయం చేసేందుకు ప‌లువురు ముందుకు వ‌చ్చారు. వివిధ రూపాల్లో వారు త‌మ ఆస‌క్తిని పంచుకున్నారు. ఈ నేప‌థ్యంలో అలా స‌హాయం చేసేవారికి వారికోసం రాష్ట్ర ప్రభుత్వం ప్రత్యేక పోర్టల్‌ను ఏర్పాటు చేసింది.

రైతుబంధుకు స‌హాయం చేసే వారికోసం ప్ర‌త్యేక పోర్ట‌ల్ ఏర్పాటు చేసిన విషయాన్ని మంత్రి కేటీఆర్‌ ఆదివారం వెల్లడించారు. ఈ విప్లవాత్మక పథకానికి విరాళం ఇచ్చేందుకు అనేకమంది ముందుకు వచ్చారని ఆయన ట్విట్టర్‌లో పేర్కొన్నారు. ఇలాంటి ఆసక్తిని చూపే వారు <https://www.esevaonline.telangana.gov.in/rythubandhu/Rythbandhucontribution.htm > లింక్‌ ద్వారా తమ మొత్తాన్ని అందించవచ్చని వివరించారు.