టీఆర్ఎస్ ఆస్ట్రేలియా అధ్యక్షుడు నాగేంద‌ర్ రెడ్డి కాస‌ర్లకు సీఎం కేసీఆర్ ప్ర‌శంస‌

ప్ర‌పంచ తెలుగు మ‌హాస‌భ‌ల‌కు అతిథిగా హాజ‌ర‌వ‌డ‌మే కాకుండా ఆ స‌మావేశాల సారాంశాన్ని ప‌లువురికి తెలియ‌జెప్పాల‌నే ప్ర‌య‌త్నం అభినంద‌నీయమ‌ని ముఖ్య‌మంత్రి కేసీఆర్ కొనియాడారు. టీఆర్ఎస్ ఆస్ట్రేలియా అధ్యక్షుడు నాగేంద‌ర్ రెడ్డి కాస‌ర్ల ర‌చించిన పుస్త‌కాన్ని శ‌నివారం ప్ర‌గ‌తి భ‌వ‌న్‌లో సీఎం కేసీఆర్ ఆవిష్క‌రించారు.

ప్ర‌పంచ తెలుగు మ‌హాస‌భ‌ల సంద‌ర్భంగా ర‌వీంద్ర‌భార‌తిలో జ‌రిగిన కార్య‌క్ర‌మంలో `తెలుగు భాష ప్రాచీన‌త‌- తెలంగాణ తెలుగు సౌర‌భాలు` గురించి ఎంపీ క‌విత ఉప‌న్యాసించారు. ఈ కీల‌క ప్ర‌సంగాన్ని రేప‌టి భ‌విష్య‌త్ త‌రానికి అందించాల‌నే ఉద్దేశంతో నాగేంద‌ర్ రెడ్డి పుస్త‌క‌ర రూపం ఇచ్చారు.ఎన్నారైలతో జ‌రిగిన స‌మావేశం సంద‌ర్భంగా ముఖ్య‌మంత్రి కేసీఆర్ ఈ పుస్త‌కాన్ని ఆవిష్క‌రించారు.

ఈ ఆవిష్క‌ర‌ణ‌లో సీఎం కేసీఆర్‌తో పాటుగా ఎంపీ క‌ల్వ‌కుంట్ల క‌విత‌, ఎన్నారై టీఆర్ఎస్ కో ఆర్డినేట‌ర్ మ‌హేశ్ బిగాల‌, వివిధ దేశాల‌కు చెందిన ఎన్నారైలు ఉన్నారు. ఈ సంద‌ర్భంగా సీఎం కేసీఆర్ మాట్లాడుతూ ఎన్నారై నాగేంద‌ర్ రెడ్డి కాస‌ర్ల‌ను అభినందించారు.