టాలీవుడ్ యంగ్ హీరో తండ్రికి జైలు శిక్ష..!!

టాలీవుడ్ యంగ్ హీరో తండ్రికి జైలు శిక్ష..!అవును.టాలీవుడ్ యంగ్ హీరో రాజ్‌త‌రుణ్ తండ్రి నిడమర్తి బ‌స‌వ‌రాజుకి కోర్టు మూడేళ్ళ జైలు శిక్ష విధించింది. బ్యాంకులో పని చేస్తూ, నకిలీ బంగారాన్ని తాక‌ట్టు పెట్టి బ్యాంకు నుండి అప్పు తీసుకున్న కేసులో బసవరాజుకు ఈ శిక్ష పడింది.ఏపీ లోని వైజాగ్ వేపగుంట కు చెందిన బసవరాజు సింహాచలం  2013లో స్టేట్‌బ్యాంకు ఆఫ్‌ ఇండియాలో అసిస్టెంట్‌ క్యాషియర్‌గా విధులు నిర్వహించేవారు.

అయితే ఆ సమయంలో త‌న భార్య రాజ్య‌ల‌క్ష్మీ పేరుతో పాటు ఎం.ఎస్‌.ఎన్‌.రాజు, సన్యాసి రాజు, సాంబమూర్తి వెంకట్రావుల పేర్ల మీద న‌కిలీ బంగారం తాక‌ట్టు పెట్టి 9.85 ల‌క్ష‌ల రూపాయ‌లు రుణం తీసుకున్నారు. అయితే బ్యాంక్ అధికారుల త‌నిఖీల్లో ఆ బంగారం న‌కిలీది అని తేల‌డంతో బ‌స‌వ‌రాజుపై బ్యాంక్ మేనేజ‌ర్ గ‌రికిపాటి సుబ్ర‌హ్మ‌ణ్యం గోపాల‌ప‌ట్నం పోలీస్ స్టేష‌న్‌లో ఫిర్యాదు చేశారు. దీంతో బసవరాజుపై గోపాల‌ప‌ట్నం పోలీస్ స్టేషన్లో చీటింగ్ కేసు న‌మోదైంది. ఈ కేసు శుక్రవారం విచార‌ణ‌కి వచ్చింది. దీంతో మేజిస్ట్రేట్ స‌న్నీ ప‌ర్విన్ సుల్తానా బేగం రాజ్ త‌రుణ్ తండ్రి బ‌స‌వ‌రాజుకి మూడేళ్ళ జైలు శిక్ష‌తో పాటు 20వేల రూపాయ‌ల జరిమానా విధించారు.