‘మహానటి’ తొలిపాట వచ్చేసింది..!

అలనాటి ప్రఖ్యాతనటి సావిత్ర జీవితం ఆధారంగా తెరకెక్కుతున్న చిత్రం ‘మహానటి’. ఈ చిత్రం సినీపరిశ్రమలో ఎంతో ఆసక్తి రేకిస్తోంది. గత కొన్ని రోజుల క్రితం విడుదలైన టీజర్ కు మంచి ఆదరణ లభించింది. టైటిల్ రోల్ పోషిస్తున్న కీర్తిసురేశ్ స్టిల్స్ చూస్తుంటే అచ్చం సావిత్రి మళ్లీ పుట్టినట్లు ఉందని కొనియాడుతున్నారు. అయితే ఈ సినిమాకు సంబంధించిన చిత్ర యూనిట్ తొలిపాటను విడుదల చేసింది.

మూగమనసులు అంటూ సాగే ఈ పాట సావిత్రి హిట్ మూవీ మూగమనసుల్లోని పాటను గుర్తుకు తెస్తోంది. మేఘాల్లో కీర్తి, దుల్కర్ సల్మాన్‌లు చక్కని జంటగా ఆడుతూపాడుతూ కనిపిస్తున్నారు. ఈ పాటను సిరివెన్నెల సీతారామశాస్త్రి రాయగా మిక్కీ జె.మేయర్‌ స్వరాలు అందించారు. నాగ్‌ అశ్విన్‌ దర్శకత్వంతో వస్తున్న ఈ మూవీకి స్వప్నాదత్ నిర్మాత. మే 9న చిత్రం విడుదల కానుంది.