పంజాగుట్ట పోలీస్ స్టేషన్లో కేరళ సీఎం

తెలంగాణ రాష్ట్ర రాజధాని హైదరాబాద్ మహానగరంలోని పంజాగుట్ట పోలీస్ స్టేషన్ ను గురువారం కేరళ ముఖ్యమంత్రి పినరయ్ విజయన్ సందర్శించారు.దేశంలోనే రెండో అత్యుత్తమ పోలీస్ స్టేషన్ అవార్డును పంజాగుట్ట పీఎస్‌ దక్కించుకున్న నేపథ్యంలో ఆయన ఇక్కడికి వచ్చారు. ఈ సందర్భంగా పోలీసు స్టేషన్‌లో కేసుల పరిష్కారాలు, మౌలిక సదుపాయాలు, ఫ్రెండ్లీ పోలీసింగ్ విధానాల అమలును ఆయన పరిశీలించారు. అనంతరం పోలీసులను విజయన్ అభినందించారు.కేరళ సీఎం విజయన్‌ రాక సందర్భంగా ఇక్కడ భారీ బందోబస్తు ఏర్పాటు చేశారు.ఈ సందర్భంగా అయన మాట్లాడుతూ..దేశంలోనే రెండో అత్యుత్తమ పోలీస్ స్టేషన్ అవార్డు పొందిన పంజాగుట్ట పోలీస్ స్టేషన్‌ను సందర్శించడం చాలా సంతోషంగా ఉందన్నారు. ఇక్కడి ప్రభుత్వం, పోలీసులు పౌరులకు మెరుగైన సేవలు అందిస్తున్నారని ఆయన కొనియాడారు.