నాంపల్లి కోర్టు తీర్పుపై ఎంపీ అసదుద్దీన్ ఓవైసీ ఏమన్నారంటే..?

మక్కామసీద్ పేలుళ్ల కేసును కొట్టివేస్తూ నాంపల్లి ఎన్‌ఐఏ కోర్టు ఇవాళ సంచలన తీర్పును వెల్లడించిన విషయం విదితమే. ఐదుగురు నిందితులైన స్వామి అసీమానంద, దేవేందర్ గుప్తా, రాజేందర్ చౌదరి, లోకేశ్ శర్మ, భరత్ భాయిని కోర్టు నిర్దోషులుగా ప్రకటించింది.అయితే ఈ తీర్పు పై ఎంఐఎం అధినేత, హైదరాబాద్ ఎంపీ అసదుద్దీన్ ఓవైసీ స్పందించారు.గత కొద్దిసేపటి క్రితం మీడియాతో మాట్లాడుతూ.. ఈ కేసులో బాధితులకు అన్యాయం జరిగిందన్నారు . 2014 జూన్ తర్వాత ఈ కేసులోని సాక్ష్యులు వెనకడుగు వేశారని.. నిందితులకు బెయిల్ వస్తే ఎన్‌ఐఏ కనీసం ఉన్నత న్యాయస్థానానికి అప్పీల్‌కు కూడా వెళ్లలేదని ఓవైసీ అన్నారు.