ఏ.పీ.రంగారావు మృతిపట్ల సీఎం కేసీఆర్‌ సంతాపం

ఉమ్మడి ఆంధ్రప్రదేశ్‌ రెడ్ క్రాస్‌ సొసైటీ మాజీ కార్యదర్శి, ప్రముఖ వైద్యుడు ఏపీ రంగారావు(75) మృతిపట్ల తెలంగాణ రాష్ట్ర ముఖ్యమంత్రి కేసీఆర్‌ సంతాపం తెలిపారు. రంగారావు కుటుంబ సభ్యులకు సీఎం కేసీఆర్ ప్రగాఢ సానుభూతి తెలిపారు. పేదలకు వైద్య సేవలందించడానికి, ప్రభుత్వ పరంగా వైద్య సేవలు పెంచడానికి ఏపీ రంగారావు బతికి ఉన్నంతకాలం సేవ చేశారని సీఎం కొనియాడారు.

1942 సెప్టెంబర్‌ 22వ తేదీన ఖమ్మం జిల్లా ముదిగొండ మండలం వల్లభి గ్రామంలో ఏపీ రంగారావు జన్మించారు. ఆయన పూర్తి పేరు ఐతరాజు పాండురంగారావు. 104, 108 అంబులెన్స్‌ వ్యూహకర్త రంగారావు.