ముఖ్యమంత్రి కేసీఆర్ పరిపాలన చాలా బాగుంది..!!

ఉద్యమనేత ,తెలంగాణ రాష్ట్ర ముఖ్యమంత్రి ,టీఆర్ఎస్ పార్టీ అధినేత కేసీఆర్ గత నాలుగేళ్ళుగా దేశంలోనే ఏ ముఖ్యమంత్రి చేయని విధంగా పలు అభివృద్ధి ,సంక్షేమ పథకాలు ప్రవేశ పెడుతూ..జనరంజక పాలనా కొనసాగిస్తూ.. ఇటు రాష్ట్ర వ్యాప్తంగా అటు దేశ వ్యాప్తంగా ప్రశంసలు అందుకుంటున్న విషయం తెలిసిందే.ఈ క్రమంలో ముఖ్యమంత్రి కేసీఆర్ పరిపాలన చాలా బాగుందని తెలుగు సినీ ఆర్టిస్టు సంఘం తెలుగు రాష్ర్టాల అధ్యక్షుడు నర్సింగ్‌యాదవ్ ప్రశంసించారు.

see also :ఏ కన్నతల్లి చూడకూడనిది చూశా.. శ్రీరెడ్డి తల్లి భావోద్వేగం

బుధవారం రాష్ట్ర రాజధాని అయినటువంటి  హైదరాబాద్‌ మహానగరంలోని బన్సీలాల్‌పేట్ డివిజన్‌లో ఉన్న మల్టీపర్పస్ ఫంక్షన్ హాలులో తన స్నేహితుడి కుమారుడి పెండ్లికి నర్సింగ్‌యాదవ్ హాజరయ్యారు. ఈ సందర్భంగా ఆయన మాట్లాడుతూ.. ఎన్నో సంక్షేమ పథకాలు ప్రవేశపెడుతున్న కేసీఆర్ లాంటి ముఖ్యమంత్రిని తన జీవితంలో మొదటిసారి చూస్తున్నానని అభినందించారు. దేశంలో ఎక్కడా లేనివిధంగా పేదింటి ఆడపడుచుల పెండ్లిండ్లకు కల్యాణలక్ష్మి, షాదీ ముబారక్ ద్వారా రూ.లక్షా నూటపదహార్లు ఆర్థికసాయం అందించిన ఘనత ఒక్క ముఖ్యమంత్రి కేసీఆర్‌కే దక్కిందని పేర్కొన్నారు.