నేటి నుంచి ఐపీఎల్ టోర్నీ

క్రికెట్ సందడి మొదలైంది..ఈ రోజు నుంచి ఐపీఎల్ 11వ సీజన్ ప్రారంభం కానున్నది.సరికొత్త హంగులతో ప్రారంభం కానున్న ఐపీఎల్ 11వ సీజన్ కోసం యావత్ క్రీడా ప్రపంచం ఆసక్తిగా ఎదురుచూస్తోంది. ఇవాళ రాత్రి 8 గంటలకు ముంబై లోని వాంఖడే స్టేడియం వేదికగా జరిగే మొదటి మ్యాచ్ లో డిఫెండింగ్ ఛాంపియన్ ముంబై ఇండియన్స్, చెన్నై సూపర్ కింగ్స్ తో పోటీ పడనుంది.51 రోజుల పాటు జరిగే ఈ మెగా వార్ కోసం ఇప్పటికే అన్ని జట్లు సిద్ధమయ్యాయి. తొలి మ్యాచులో గతేడాది విజేత ముంబై ఇండియన్స్ సొంతగడ్డపై చెన్నై సూపర్ కింగ్స్ తో పోటీపడుతుంది. ఈ మ్యాచుకు ముందు వాంఖడే స్టేడియంలో ఐపీఎల్ ప్రారంభ వేడుక జరగనున్నది.నిషేధం ఎత్తివేసిన తర్వాత చెన్నై సూపర్ కింగ్స్, రాజస్థాన్ రాయల్స్ జట్లు మళ్లీ ఈ సీజన్ లో బరిలోకి దిగుతున్నాయి. ఆయా జట్లు ఆటగాళ్ల మార్పు చేర్పులతో టీములన్నీ నయా లుక్ తో కనిపిస్తున్నాయి.