చంద్రబాబుకు వైఎస్ జగన్ సవాల్..ఆ ఏడు ప్రశ్నలివే..!!

గత కొంతసేపటి క్రితం వైసీపీ అధినేత,ఏపీ ప్రధాన ప్రతిపక్ష నేత వైఎస్ జగన్ మోహన్ రెడ్డి మీడియా సమావేశంలో మాట్లాడారు.ఈ సందర్భంగా ఏపీ ముఖ్యమంత్రి ,టీడీపీ అధినేత నారా చంద్రబాబు కు వైఎస్ జగన్ సవాల్ విసురుతూ.. ఏడు సూటి ప్రశ్నలు సంధించారు . ఈ ప్రశ్నలకు సమాధానం చెప్పే ధైర్యం చంద్రబాబు ఉందా? అంటూ జగన్మోహన్ రెడ్డి సవాల్ విసిరారు.

జగన్ విసిరిన ఆ ఏడు ప్రశ్నలివే..

• ప్రత్యేక హోదా కోసం నాలుగేళ్లుగా చంద్రబాబు చేసిందేమిటి?
•  ప్రత్యేక ప్యాకేజీ బ్రహ్మాండంగా ఉందని కేంద్రాన్ని, అరుణ్‌జైట్లీని చంద్రబాబు ప్రశంసించలేదా?
• అఖిలపక్షం పేరుతో మోసం చేసేందుకు ప్రయత్నించలేదా?
• 2014 డిసెంబర్‌ వరకు అమలులో ఉన్న ప్రణాళికాసంఘానికి చంద్రబాబు లేఖ ఎందుకు రాయలేదు?
• వైసీపీ ఎంపీలు రాజీనామాలు చేసి దీక్షకు దిగితే టీడీపీ ఎంపీలతో నిరసనలు చేయడం మోసం కాదా?
• ప్రత్యేకహోదాతో ఈశాన్య రాష్ట్రాలు ఏం అభివృద్ధి చెందాయని చంద్రబాబు అనలేదా?
• వైసీపీ అవిశ్వాస తీర్మానం పెట్టకపోతే చంద్రబాబు అవిశ్వాసం పెట్టేవారా?.