‘మహానటి’లో సమంత.. ఫస్ట్‌లుక్‌ వచ్చేసింది..!!

అలనాటి నటి సావిత్రి జీవిత చరిత్ర ఆధారంగా తెరకెక్కుతున్న చిత్రం మహానటి. కీర్తి సురేష్ టైటిల్ రోల్లో నటిస్తుండగా..నాగ్ అశ్విన్ దర్శకత్వం వహిస్తున్నారు. ఈ సినిమాలో మోహన్‌బాబు, ప్రకాశ్‌రాజ్‌, అక్కినేని సమంత, విజయ్‌ దేవరకొండ, షాలిని పాండే తదితరులు ముఖ్య పాత్రలు పోషిస్తున్నారు. అయితే ఈ సినిమాలో సమాంత పాత్రకు సంబంధించిన ఫస్ట్‌లుక్‌ను చిత్ర యూనిట్ ఇవాళ విడుదల చేసింది.ఈ సందర్భంగా సమంత ఆ ఫోటోను తన ట్విట్టర్ ఖాతాలో పోస్ట్ చేసింది.‘ఇలాంటి అద్భుతమైన సినిమాలో నేనూ భాగం కావడం చాలా సంతోషంగా ఉంది. నాకు ‘మధురవాణి’ పాత్ర పోషించడం ఎంత నచ్చిందో.. అదేవిధంగా ఆ పాత్ర మీకూ నచ్చుతుందని ఆశిస్తున్నా’ అని ట్వీట్‌ చేశారు.‘నా పేరు కన్యాశుల్కంలో సావిత్రి గారి పేరే.. మధురవాణి (బీఏ గోల్డ్‌ మెడల్‌)’ అని ఫస్ట్‌లుక్‌పై రాశారు. కాగా ఈ సినిమా వచ్చేనెల 9న సినిమా విడుదల కానున్న విషయం తెలిసిందే.

Really happy to be a part of such a wonderful film . I hope you love #Madhuravani as much as I loved being her ❤️❤️❤️ #Mahanati @VyjayanthiFilms @nagashwin7 #MahanationMay9th pic.twitter.com/zrCim93nPW

— Samantha Akkineni (@Samanthaprabhu2) April 6, 2018