భరత్ బహిరంగ సభ ఏప్రిల్‌ 7న..!!

ప్రముఖ దర్శకుడు కొరటాల శివ, ప్రిన్స్ మహేశ్‌ బాబు కాంబినేషన్ లో వస్తున్నసినిమా భరత్‌ అనే నేను. మహేష్ సరసన ఈ మూవీలో కైరా అద్వాని హీరోయిన్ గా నటిస్తుంది.ఈ సినిమాఈ నెల 20విడుదల కానున్న విషయం తెలిసిందే. భరత్‌ అనే నేను సినిమా ఫస్ట్‌ లుక్‌, ఫస్ట్‌ ఓత్‌, పాటలు ఇప్పటికే సోషల్‌ మీడియాలో ట్రెండ్‌ అయ్యాయి. అయితే లేటెస్ట్ గా భరత్‌ బహిరంగ సభ అంటూ ఒక పోస్టర్‌ను సినిమా యూనిట్ సోషల్‌ మీడియాలో పోస్ట్‌ చేసింది . ఏప్రిల్‌ 7న సాయంత్రం 6 గంటలకు హైదరాబాద్ లోని ఎల్బీ స్టేడియంలో భరత్‌ బహిరంగ సభ అంటూ పోస్టర్‌ను ట్విటర్‌లో పోస్ట్‌ చేశారు. ప్రీరిలీజ్‌ ఈవెంట్‌ను భరత్‌ బహిరంగ సభ అంటూ రిలీజ్‌ చేయడం మాత్రం కొత్తగా ఉంది. ఈ సభకు ఎన్టీఆర్‌, రామ్‌ చరణ్‌లను అతిథులుగా విచ్చేస్తున్నారని ఊహాగానాలు వినిపిస్తున్న  విషయం తెలిసిందే.