‘భ‌ర‌త్ అనే నేను’ రెండో పాట వ‌చ్చేసింది..!!

శ్రీమంతుడు చిత్రం త‌ర్వాత ప్రిన్స్ మ‌హేష్ బాబు, కొర‌టాల శివ కాంబినేష‌న్‌లో రాబోతున్న చిత్రం భ‌రత్ అనే నేను.ఈ నెల 20 న విడుదల కానున్న ఈ సినిమా ప్రమోషన్స్ జోరందుకున్నాయి. గత కొన్ని రోజులుగా ఈ చిత్రానికి సంబంధించి పలు పోస్ట‌ర్స్, సాంగ్స్‌, టీజ‌ర్ విడుద‌ల చేస్తూ అభిమానుల‌లో సినిమాపై భారీ ఆస‌క్తిని క‌లిగిస్తున్నారు. తాజాగా ఇవాళ ఈ మూవీ నుండి సెకండ్ సాంగ్ విడుద‌ల చేశారు. ఐ డోంట్ నో అంటూ సాగే ఈ పాట‌ని బాలీవుడ్ న‌టుడు ఫ‌ర్హాన్ అక్త‌ర్ పాడ‌గా, దేవి శ్రీ ప్ర‌సాద్ సంగీతం అందించారు. రెండో సాంగ్‌గా విడుద‌లైన ఈ పాట కూడా సంగీత ప్రియుల‌ని ఎంత‌గానో అల‌రిస్తుంది. ఈ పాట పాడినందుకు ఫ‌ర్హాన్‌కి మ‌హేష్ ప్ర‌త్యేక కృత‌జ్ఞ‌త‌లు తెలియ‌జేశారు.