ఏపీలో ప్రత్యేక హోదా కోసం విద్యార్ధులు భారీగా ర్యాలీ..!

ఆంధ్ర ప్రదేశ్ విభజనతో నష్టపోయిన ఆంధ్రప్రదేశ్ లో ప్రత్యేకహోదా కోసం మహోద్యమమే జరుగుతోంది. రాష్ట్రానికి ప్రత్యేకహోదా ఇవ్వాలని ప్రజలు కోరుతున్నాఅరు .తాజాగా ఆంధ్రప్రదేశ్‌కు ప్రత్యేక హోదా కల్పించాలని డిమాండ్ చేస్తూ విశాఖలో విద్యార్ధులు భారీ ర్యాలీ చేపట్టారు. కేంద్ర ప్రభుత్వాన్ని ‘నిలదీద్దాం- ప్రత్యేక హోదా సాదిద్దాం’ అనే నినాదంతో జన జాగరణ సమితి ఆధ్వర్యంలో విద్యార్ధులంతా ఫ్లకార్డులు పట్టుకుని ర్యాలీలో పాల్గొన్నారు. ఆశీల్‌మెట్ట సంపత్ వినాయగర్ ఆలయం వద్ద ప్రారంభమైన ఈ ర్యాలీ జీవీఎంసీ గాంధీ విగ్రహం వరకూ సాగింది. ఆంధ్రప్రదేశ్‌కు ప్రత్యేక హోదా కల్పిస్తేనే విద్యార్ధి, యువతకు బంగారు భవిష్యత్తు ఉంటుందని జనజాగరణ సమితి నాయకులు అన్నారు. దీనిపై కేంద్రం తక్షణమే ప్రకటన చేయకపోతే భవిష్యత్తులో మరిన్ని ఉద్యమాలను చేస్తామని వారు హెచ్చరించారు.