దివంగత నటి శ్రీదేవి పై రాజ్‌ ఠాక్రే సంచలన వ్యాఖ్యలు ..!

టాలీవుడ్ నుండి బాలీవుడ్ కు వెళ్లి సెటిల్ అయిన సీనియర్ నటి శ్రీదేవి కపూర్ ఇటివల దుబాయిలో మరణించిన సంగతి తెల్సిందే .అయితే నటి శ్రీదేవి అకాలమరణంతో యావత్తు సినీ లోకంతో పాటుగా కోట్లాది మంది ఆమె అభిమానులు శోక సంద్రంలో మునిగారు.

ఇప్పుడే ఇప్పుడే ఆ పరిస్థితుల నుండి బయటకు వస్తున్నారు.ఈ తరుణంలో ఎంఎన్ఎస్ చీఫ్ రాజ్ ఠాక్రే పలు వివాదాస్పద వ్యాఖ్యలు చేశారు.నిన్న ఆదివారం ముంబాయిలో జరిగిన ఎంఎన్ఎస్ ర్యాలీలో మాట్లాడుతూ శ్రీదేవి దేశానికి ఏమి మేలు చేశారని ..అధికారక లాంచనాలతో అంత్యక్రియలు చేశారని ప్రశ్నించారు.

శ్రీదేవి భౌతికాయం మీద త్రివర్ణ పతాకం ఎందుకు కప్పారు .ఆమె గొప్ప నటే కావచ్చు ..కానీ దేశానికి ఆమె ఏమి చేశారు.అది కాకుండా వేలాది కోట్లు ఎగ్గొట్టిన నీరవ్ మోదీ కుంభ కోణం గురించి పట్టించుకోవడం మానేసి మీడియా ఎక్కువగా ఆమె మృతిపై దృష్టి సారించిందని ఆయన అన్నారు ..