జ‌న‌సేన ఛాప్ట‌ర్ క్లోజ్..! జేపీ సంచ‌ల‌న వ్యాఖ్య‌లు..!!

రాజ‌కీయాల్లో ముక్కుసూటిత‌నంగా మాట్లాడ‌గ‌ల వ్య‌క్తిగా పేరొందిన జ‌య‌ప్ర‌కాష్ నారాయ‌ణ జ‌న‌సేన అధినేత‌, సినీ న‌టుడు ప‌వ‌న్ క‌ల్యాణ్‌పై తీవ్ర విమ‌ర్శ‌లు చేశారు. తాజా రాజ‌కీయ ప‌రిణామాల నేప‌థ్యంలో ప‌వ‌న్ క‌ల్యాణ్ స్థాపించిన జ‌న‌సేన పార్టీ కూడా త‌న అన్న మెగాస్టార్ చిరంజీవి స్థాపించిన ప్ర‌జారాజ్యం పార్టీలానే త‌యార‌వుతోంద‌ని పేర్కొన్నారు. అయితే, 2009 ఎన్నిక‌ల్లో మెగాస్టార్ చిరంజీవి ఓట్లు చీల్చేందుకు రాజ‌కీయ రంగ‌ప్ర‌వేశం చేసి చివ‌రికి త‌న ప్ర‌జారాజ్యం పార్టీని కాంగ్రెస్ పార్టీలో విలీనం చేసిన విష‌యం తెలిసిందే. అయితే, ఇప్పుడు ప‌వ‌న్ క‌ల్యాణ్ కూడా అదే దారిలో వెళ్ల‌బోతున్నారంటూ జేపీ త‌న స‌న్నిహితుల‌తో అన్న‌ట్లు స‌మాచారం. 2014 ఎన్నిక‌ల్లో రాజ‌కీయ ఎంట్రీ ఇచ్చిన ప‌వ‌న్ క‌ల్యాణ్ టీడీపీ, బీజేపీ పార్టీల‌కు మ‌ద్ద‌తు ఇచ్చి చాలా త‌ప్పుచేశార‌ని జ‌య‌ప్ర‌కాష్ నారాయ‌ణ పేర్కొన్నారు.

see also : బ్రేకింగ్ న్యూస్..వైసీపీలోకి మాజీ వైస్ ఛాన్సిలర్…!

see also : బాబును నమ్మడం కంటే జగన్ ను నమ్మండి-ప్రముఖ సినీ నటుడు సంచలన వ్యాఖ్యలు..!

కాగా, ఇటీవ‌ల ఓ మీడియాకు ఇచ్చిన ఇంట‌ర్వ్యూలో జ‌య‌ప్ర‌కాష్ నారాయ‌ణ మాట్లాడుతూ.. రాజ‌కీయ అధికారం ఎవ‌రి సొత్తు కాద‌ని, ప్ర‌శ్నించే హ‌క్కు ప్ర‌తీ పౌరుడికీ ఉంద‌ని, అధికారంలో ఉన్న వ్య‌క్తులు ఎవ‌రైనా ప్ర‌జ‌ల సంక్షేమం గురించి ఆలోచించాల్సిన బాధ్య‌త రాజ‌కీయ నాయ‌కుల‌పై ఉంద‌న్నారు. వ‌చ్చే ఎన్నిక‌ల త‌రువాత జ‌న‌సేన పార్టీ నుంచి రాజ్య‌స‌భ‌కు వెళ్ల‌బోతున్నార‌న్న చ‌ర్చ రాజ‌కీయంగా చ‌ర్చ కూడా ఉంది.. దీనికి మీ స‌మాధానం ఏంట‌ని విలేక‌రి అడ‌గ్గా.. స్పందించిన జేపీ మాట్లాడుతూ..

ఆలూ లేదు.. సూలు లేదు. కొడుకుపేరు సోమ‌లింగం అన్నాడ‌ట‌. ఒక‌డు..!! అంటూ జ‌న‌సేన‌పై హాస్యాస్ప‌ద వ్యాఖ్య‌లు చేశారు జేపీ. జ‌న‌సేన ఇంకా ఎన్నిక‌ల్లో పోటీ చేయ‌లేదు. రాజ్య‌స‌భ సీటు కావాలంటే సంఖ్యాబ‌లం కావాలి, ఎన్నిక‌ల్లో జ‌నసేన నుంచి ఎవ‌రో పోటీ చేసిన‌ట్టు, వారు నెగ్గిన‌ట్టు, నెగ్గిన త‌రువాత రాజ్య స‌భ్యుడిగా న‌న్ను ఎన్నుకున్న‌ట్టు. అందుకు నేను ఒప్పుకున్న‌ట్టు, ఎంత దూరం ఆలోచిస్తున్నాము మ‌న‌ము. అస‌లు వ‌చ్చే ఎన్నిక‌ల్లో జ‌న సేన పోటీ చేస్తుందో..! లేదో..! ఒక స్ప‌ష్ట‌త రావాలి క‌దా..! అన్నారు. న‌న్ను రాజ్య‌స‌భ స‌భ్యుడిగా ఎన్నుకుంటారా..? హాస్యాస్ప‌దంగా ఉంది. నాకు న‌వ్వొస్తొందంటూ ఇంట‌ర్వ్యూను ముగించారు జ‌య‌ప్ర‌కాష్ నారాయ‌ణ‌.