సీఎం కేసీఆర్ రైతు పక్షపాతి…ఎమ్మెల్యే వొడితల సతీష్ కుమార్ ..

తెలంగాణ రాష్ట్రంలో హుస్నాబాద్ నియోజక వర్గంలో సైదాపూర్ మండలం దుద్దెనపల్లి గ్రామంలో రూ.3 కోట్ల వ్యయంతో నిర్మించిన 5 వేల మెట్రిక్ టన్నుల వ్యవసాయ మార్కెట్ గోదాములను ఎమ్మెల్యే  వొడితల సతీష్ కుమార్ ప్రారంభించారు. ఈ సందర్భంగా ఎమ్మెల్యే  మాట్లాడుతూ దుద్దెనపల్లిలో సబ్ మార్కెట్ కూడా మంజూరైందన్నారు.

గండిపల్లి, గౌరవెల్లి, మిడ్ మానేరు ద్వారా ఈ ప్రాంత కష్టాలు తీరుతాయని అన్నారు. ఇది రైతుల సంక్షేమ ప్రభుత్వమని, ఎప్రిల్ నెల నుండి రైతులకు పెట్టుబడి సహాయం కింద ఎకరానికి రూ.4వేలు ఇవ్వనున్నట్లు వెల్లడించారు. రైతుల కష్టాలు తీర్చాలనే ప్రాజెక్టుల నిర్మాణం జరుగుతున్నదని తెలిపారు. సీఎం కేసీఆర్ రైతు పక్షపాతి అని, ఆయన రైతులు బాగుపడాలనే సంకల్పంతో పని చేస్తున్నారని తెలిపారు.