కేసీఆర్ పేరు పెట్టి.. అభిమానాన్ని చాటి..!

తెలంగాణ రాష్ట్ర ముఖ్యమంత్రి,టీఆర్ఎస్ పార్టీ అధినేత కేసీఆర్.. తెలంగాణ జాతివిముక్తి కోసం తన ప్రాణాలను సైతం పణంగా పెట్టడమే కాకుండా.. ప్రత్యేక తెలంగాణ రాష్ట్రాన్ని సాధించి.. అధికారం చేపట్టి..రాష్ట్రంలో వినూత్న రీతిలో సంక్షేమ పథకాలను ప్రవేశపెడుతూ..దేశానికి ఆదర్శంగా నిలుస్తున్న సంగతి తెలిసిందే.ఈ క్రమంలో నిన్న ముఖ్యమంత్రి కేసీఆర్ పుట్టిన రోజు సందర్భంగా రాష్ట్ర, దేశవ్యాప్తంగా శుభాకాంక్షలు వెల్లువెత్తాయి.ఈ నేపధ్యంలో రాష్ట్రంలోని వనపర్తి జిల్లా గోపాల్‌పేట మండల కేంద్రంలోని హనుమాండ్ల గడ్డకు చెందిన బోడోళ్ల శిరీష, సాయి దంపతులకు రెండో కాన్పులో శనివారం స్థానిక పీహెచ్‌సీలో బాబు పుట్టాడు.సీఎం కేసీఆర్ పుట్టిన రోజు కలిసిరావడంతో ఆ బిడ్డకు చంద్రశేఖర్‌గా నామకరణం చేసి సీఎం కేసీఆర్‌పై తమకున్న అభిమానాన్ని ఆ కుటుంబ సబ్యులు చాటుకున్నారు.