మద్యం మత్తులో పోలీసులను ముప్పుతిప్పలు పెట్టిన ఇద్దరు యువతులు

హైదార‌బాద్ న‌గ‌రంలో డ్రంక్ అండ్ డ్రైవింగ్ లో కేసులు పెరిగిపోతున్నాయి. మందుబాబులు ప‌ట్టుబ‌డుతూనే ఉన్నారు.వీరికి తోడుగా అమ్మాయిలు కూడ డ్రంక్ అండ్ డ్రైవింగ్ లో ప‌ట్టుబ‌డుతున్నారు. తాజాగా మద్యం మత్తులో ఇద్దరు యువతులు నానా హంగామా సృష్టించారు. శనివారం రాత్రి నగరంలోని బంజారాహిల్స్, జూబ్లీహిల్స్‌లో డ్రంక్ అండ్ డ్రైవ్‌ను పోలీసులు నిర్వహించారు. ఈ క్ర‌మంలో మద్యం సేవించి వాహనాలు నడుపుతున్న వారిని పోలీసులు అదుపులోకి తీసుకున్నారు. అలాగే అతిగా మద్యం సేవించిన ఇద్దరు యవతులు బ్రీత్ ఎనలైజర్ పరీక్షలకు సహకరించకుండా నానా హంగామా సృష్టించి పోలీసులను ముప్పుతిప్పలు పెట్టారు. ఇదిలా ఉండగా మద్యం సేవించి వాహనాలు నడిపిన 75 మందిపై పోలీసులు కేసు నమోదు చేయగా 38 కార్లు, 37 బైక్‌లను సీజ్‌ చేశారు.