Dharuvu No:1 Telugu Political web site in telugu states
గ్రూప్4 ఉద్యోగాల భర్తీ కోసం నోటిఫికేషన్‌ విడుదల ప్రక్రియను ఇటు రాష్ట్ర ప్రభుత్వం, అటు టీఎస్‌పీఎస్‌సీ వేగవంతం చేసింది. సీఎంఓ ముఖ్యకార్యదర్శి నర్సింగరావుతో టీఎస్‌పీఎస్‌సీ చైర్మన్‌ ఘంటా చక్రపాణి శనివారం హైదరాబాద్‌లోని సచివాలయంలో భేటీ అయ్యారు. దాదాపుగా మూడు గంటల పాటు ఈ సమావేశం జరిగినట్లు సమాచారం.
ఈ సందర్భంగా ప్రస్తుతం గ్రూప్ 4 కేటగిరీలో ఎనిమిది వందల ఖాళీలు ఉన్నాయని తెలిపిన టీఎస్‌పీఎస్‌సీ చైర్మన్‌ ఘంటా చక్రపాణి మరిన్ని ఖాళీలు ఈ కేటగిరీలో వచ్చేలా చూడాలని ప్రతిపాదించారు. ఆయా విబాగాల నుంచి సమాచారం సేకరించాలన్న ప్రతిపాదనకు సీఎంఓ ముఖ్యకార్యదర్శి అంగీకరించినట్లు తెలుస్తున్నది. కాగా, ఇప్పటివరకు జరిగిన కొలువుల భర్తీ, వాటి పురోగతి వంటి అంశాలు కూడా ఈ సమావేశంలో చర్చకు వచ్చినట్లు సమాచారం.
