పవన్ కళ్యాణ్ సభలో ఒక్కసారిగా ఊహించని ఘటనతో పోలీసులు షాక్..

టాలీవుడ్ హీరో ,జనసేన అదినేత పవన్ కళ్యాణ్ ఈరోజు నుండి అనంతపురం జిల్లాలో పర్యటిస్తున్నారు. పవన్‌ కల్యాణ్ ఎక్కడికెళ్లినా అభిమానులు ఆయను చూడటానికి తరలివస్తున్నారు. అనంతలో కూడా ఇదే మాదిరిగా ఫ్యాన్స్ పవన్ సభకు వచ్చారు. అయితే ఓ అభిమాని పవన్‌ను కలవడం కోసం చేసిన ప్రయత్నంతో అక్కడున్న వారందరు షాక్ అయ్యారు. పోలీసులను, పార్టీ నేతలను దాటుకుని ఓ అభిమాని పవన్ వద్దకు పరిగెత్తుకుంటూ వెళ్లాడు. పవన్‌ను గుండెలకు హత్తుకున్నాడు. ఊహించని ఈ ఘటనతో పోలీసులు షాకయ్యారు. అతనిని పక్కకు లాగేసే ప్రయత్నం చేశారు. అయినా సరే ఆ అభిమాని ఒప్పుకోలేదు. పవన్‌తో సెల్ఫీ దిగడానికి ఉత్సాహం చూపాడు. అతని అభిమానానికి ఫిదా అయిన పవన్.. అతనిచ్చిన సెల్‌ఫోన్ తీసుకుని సెల్ఫీ దిగాడు. ప్రస్తుతం ఈ వీడియో సోషల్ మీడియాలో హల్ చల్ చేస్తున్నది.