వైయస్ జగన్ మోహన్ రెడ్డి అను నేను ఆంధ్రప్రదేశ్ ముఖ్యమంత్రిగా..

వైయస్ జగన్ మోహన్ రెడ్డి అను నేను ఆంధ్రప్రదేశ్ ముఖ్యమంత్రిగా..

గణతంత్ర దినోత్సవ సందర్భంగా అభిమానులకు సూపర్ స్టార్ మహేష్ బాబు కానుక ఇచ్చాడు. మహేష్‌ బాబు ముఖ్యమంత్రిగా ప్రమాణం చేస్తున్నట్లుగా కొర‌టాల శివ డైరెక్ష‌న్‌లో భ‌ర‌త్ అను నేను సినిమాలో ఉన్న ఆడియోను రిపబ్లిక్‌డే సందర్భంగా మూవీ టీమ్ ఆడియో విడుదల చేసిన విషయం తెలిసిందే..అయితే ప్రస్తుతం సోషల్ మీడియాలో వైయస్ జగన్ మోహన్ రెడ్డి సీఎం అయితే ముఖ్యమంత్రిగా ప్రమాణం ఎలా చేస్తారన్న వీడియో ఒకటి బయటకి వచ్చింది.

వైయస్ జగన్ మోహన్ రెడ్డి అను నేను శాసనం ద్వారా నిర్మితమైన భారత రాజ్యాంగం పట్ల నిజమైన విశ్వాసం, విధేయత చూపుతానని, భారత దేశ సార్వభౌమాధికారాన్ని, సమగ్రతను కాపాడుతానని, ఆంధ్రప్రదేశ్‌ ముఖ్యమంత్రిగా నాకర్తవ్యాలను శ్రద్దతో అంతఃకరణ శుద్ధితో నిర్వహిస్తానని, భయంగా కాని, పక్షపాతంగా కాని, రాగద్వేశాలు లేకుండా రాజ్యాంగాన్ని, శాసనాలను అనుసరించి ప్రజలందరికీ న్యాయం చేకూరుస్తానని దైవ సాక్షిగా ప్రమాణం చేస్తున్నాను’ అంటూ ఒక వీడియో క్రియేట్ చేసి Oke Okkadu JMR అనే పేస్ బుక్ పేజి లో పోస్ట్ చేశారు.ప్రస్తుతం ఈ వీడియో ప్రపంచవ్యాప్తంగా వున్నా జగన్ అభిమానులు లైక్ చేసి షేర్ చేస్తున్నారు.