పవన్ పొలిటికల్ ఎంట్రీపై రానా షాకింగ్ కామెంట్స్ ..

టాలీవుడ్ యంగ్ హీరో ,దగ్గుబాటి వారసుడు రానా ప్రముఖ స్టార్ హీరో ,జనసేన అధినేత పవర్ స్టార్ పవన్ కళ్యాణ్ పొలిటికల్ ఎంట్రీ పై షాకింగ్ కామెంట్స్ చేశారు. పవన్ కళ్యాణ్ ప్రస్తుతం సినిమాలకు గుడ్ బై చెప్పి ఇటు తెలంగాణ అటు ఏపీ రాష్ట్రాల్లో ప్రజాయాత్ర చేయాలనీ నిర్ణయించుకున్న సంగతి తెల్సిందే. అందులో భాగంగా పవన్ కళ్యాణ్ తెలంగాణ రాష్ట్రంలో మూడు రోజుల పాటు పర్యటించి జనసేన పార్టీ నేతలు ,కార్యకర్తలు ,అభిమానులతో సమావేశమై భవిష్యత్తు కార్యాచరణ గురించి చర్చించారు .

అయితే తాజాగా పవన్ ,సూపర్ స్టార్ రజని కాంత్ పొలిటికల్ ఎంట్రీపై రానా స్పందించారు .ఆయన మాట్లాడుతూ సినిమావాళ్లు ఏ రంగంలోకి అడుగుపెట్టిన విజయవంతంగా రాణిస్తారు .దానికి చాలామందిని ఉదాహరణలు కూడా చెప్పొచ్చూ . ఇక్కడ విషయానికి స్వర్గీయ ఎన్టీఆర్ పార్టీని పెట్టి కేవలం తొమ్మిది నెలలోనే ముఖ్యమంత్రి అయ్యారు .తమిళనాడు రాష్ట్రంలో ఎంజీఆర్ ముఖ్యమంత్రి అయ్యారు .

అయితే ఎవరన్నా సినిమావాళ్లు ఆయా రంగాల్లో రాణించాలంటే సొంతంగా ఆలోచించాలి తప్ప ఇతరులపై ఆధారపడుతూ వారు చెప్పినట్లు ఆడుతుంటే రాణించరు అని సంచలన వ్యాఖ్యలు చేశారు .అయితే ప్రస్తుతం పవన్ కళ్యాణ్ ఏపీ ముఖ్యమంత్రి ,టీడీపీ అధినేత నారా చంద్రబాబు నాయుడు చెప్పినట్లుగా ఆడుతున్నాడు .ఆయన మార్గదర్శకంలోనే సభలు సమావేశాలు చేస్తున్నారు అని ప్రతిపక్షాలు ఆరోపిస్తున్న ప్రస్తుత తరుణంలో రానా ఇలా వ్యాఖ్యానించడం పవన్ ను ఉద్దేశించి ఇలా అన్నారు అని ఇటు సినీ అటు రాజకీయ వర్గాల్లో చెవులు కొరుక్కుంటున్నారు .