దేవుడా..! ఆ డైరెక్ట‌ర్‌తో అస్స‌లు చేయ‌ను..!!

అవును, ఆ స్టార్ హీరో, ఆ స్టార్ డైరెక్ట‌ర్ తీసే సినిమాలో అస్స‌లు న‌టించ‌నంటున్నాడు. ఇప్ప‌టికే టాలీవుడ్ నెం.1 స్థానానికి ద‌గ్గ‌ర్లో ఉన్న ఆ హీరో అలా అన‌డానికి కార‌ణాలు కూడా లేక‌పోలేదు.

జ‌య ల‌వ కుశ చిత్రంతో బ్లాక్ బ‌స్ట‌ర్ హిట్ అందుకున్నాడు హీరో యంగ్ టైగ‌ర్ ఎన్టీఆర్‌. త‌న త‌ద‌ప‌రి చిత్రం కూడా అదే రేంజ్‌లో ఉండేలా ప్లాన్ చేసుకున్నాడు ఎన్టీఆర్‌. ఈ క్ర‌మంలోనే త‌న నెక్స్ట్ చిత్రానికి మాట‌ల ర‌చయిత త్రివిక్ర‌మ్‌ను డైరెక్ట‌ర్‌గా ఎంచుకున్నాడు కూడా. వీరిద్ద‌రి కాంబినేష‌న్‌లో రానున్న చిత్రానికి ప‌వ‌ర్ స్టార్ ప‌వ‌న్ క‌ల్యాణ్ చేతుల‌మీదుగా ప్రారంభం అయిన విష‌యం పాఠ‌కుల‌కు విధిత‌మే.

ఇక అస‌లు విష‌యానికొస్తే.. త్రివిక్ర‌మ్‌, ప‌వ‌న్ క‌ల్యాణ్ కాంబోలు తాజాగా విడుద‌లైన అజ్ఞాత‌వాసి బాక్సాఫీస్ వ‌ద్ద బోల్తా కొట్టిన విష‌యం తెలిసిందే. తెలుగు సినీ ఇండ‌స్ర్టీలో అతి దారుణ డిజాస్ట‌ర్ టాక్ అజ్ఞాత‌వాసి చిత్రం వ‌శ‌మైంది. ఇప్పుడు ఈ ఎఫెక్ట్ యంగ్ టైగ‌ర్ ఎన్టీఆర్‌పై ప‌డ‌నుందా..? అంటే అవున‌నే అంటున్నారు సినీ విశ్లేష‌కులు. వారు అలా అన‌డానికి కార‌ణాలు లేక‌పోలేదు.

ఇప్ప‌టికే మాంచి ఫాంలో ఉండ‌ట‌మే కాక‌.. టాలీవుడ్ నెం.1 స్థానంపై క‌న్నేశాడు ఎన్టీఆర్‌. ఈ స‌మ‌యంలో త్రివిక్ర‌మ్ లాంటి ద‌ర్శ‌కుడితో సినిమా చేసి మ‌ళ్లీ త‌న రేంజ్‌ను కోల్పోయేందుకు సిద్ధంగా లేనంటున్నాడు ఎన్టీఆర్‌.