Dharuvu No:1 Telugu Political web site in telugu states
తెలంగాణ రాష్ట్ర ప్ర‌భుత్వం నిరుద్యోగుల‌కు తీపి క‌బురు అందించింది. త్వరలో 18 వేల కానిస్టేబుల్ పోస్టుల భర్తీకి నోటిఫికేషన్‌ను విడుదల చేయనున్నట్లు డీజీపీ మహేందర్ రెడ్డి వెల్లడించారు. జగిత్యాలలో పోలీస్ హెడ్ క్వార్టర్ నిర్మాణ పనులను పరిశీలించిన తరవాత ఆయన మీడియాతో మాట్లాడారు. రాష్ట్రంలో అన్ని పోలీస్ స్టేషన్లలో ఒకే రకమైన సేవలు అందేలా చర్యలు తీసుకుంటామన్నారు.
ఏడాదిలోగా కొత్త పోలీస్ భవన సముదాయాలు అందుబాటులోకి తెస్తామని ఈ సందర్భంగా డీజీపీ హామీ ఇచ్చారు. పోలీస్ విభాగంలోని ఖాళీల భర్తీకి రాష్ట్ర ప్ర‌భుత్వం అనుమ‌తి ఇచ్చింద‌ని త్వరలో ఇందుకు త‌గిన ప్ర‌క‌ట‌న‌లు విడుదల చేస్తామ‌ని వివ‌రించారు. ప్రజలు, అధికారుల భాగస్వామ్యంతో మెరుగైన సేవలు అందించనున్నట్లు డీజీపీ తెలిపారు.
