రాజకీయ నాయకుల్లోనే వైఎస్ జగన్ అంటే నాకు ఇష్టం…స్టార్ హీరో

హీరో హీరోయిన్లు ఎప్పుడు ఏ రాజకీయ నాయకుడికి మద్దతు తెలుపుతారో అస్సలు అర్థం కాదు. కొంతమంది అయితే ఏకంగా రాజకీయాల్లోకే వచ్చేస్తుంటారు. తమిళ, తెలుగు చిత్రసీమలో అలాంటివారు చాలామందే ఉన్నారు. అయితే తాజాగా ప్రముఖ తమిళ నటుడు సూర్య ఏపీ ప్రతిపక్ష నేత జగన్ ప్రజా సమస్యల కోసం చేపట్టిన ప్రజా సంకల్ప యాత్ర సక్సెస్ కావాలని ట్విట్టర్ ద్వారా ఒక మెసేజ్‌ను పంపాడు. ప్రజలకు ఏదో మంచి చేయాలన్న తపన వైఎస్‌ జగన్‌ లో బలంగా ఉందని హీరో సూర్య అన్నారు. అందుకే గొప్ప ఆలోచనతో వైఎస్‌ జగన్‌ పాదయాత్ర చేపట్టారని ఆయన తెలిపారు. వైఎస్‌ జగన్‌కు కష్టపడేతత్వం ఎక్కువ. పైగా ప్రజలకు మేలు జరుగుతుందంటే ఎంత దూరమైన వెళ్తారు అని సూర్య పేర్కొన్నారు.

జగనన్న చేస్తున్న ప్రజా సంకల్ప యాత్ర విజయం కావాలని కోరుకుంటున్నా. వై.ఎస్.రాజశేఖర్ రెడ్డి బతికి ఉన్న సమయంలో, నేను చదువుకుంటున్న సమయంలో జగనన్న ఇంటికి చాలాసార్లు వెళ్లాను. నాకు ఆ వైఎస్ఆర్ కుటుంబంపై దగ్గరి సంబంధాలే ఉన్నాయి. కష్టపడే తత్వం జగనన్నలో ఉంది. అందుకే ప్రస్తుతం ఉన్న రాజకీయ నాయకుల్లోనే జగన్ అంటే నాకు ఇష్టం. ఆయన చేస్తున్న పాదయాత్రలో నేను పాల్గొంటాను. త్వరలో పాదయాత్రకు వెళ్ళి జగన్‌ను కలిసి వస్తానని చెప్పారు సూర్య.