ఈ వర్షానికి స్పర్శ ఉంటే నీ మనసే తాకేనుగా… నీ ఎదలోని పేరే పలికేలే ఇవాళే ఇలా…!

మ్యూజిక్ డైరెక్ట‌ర్‌ ఎస్.ఎస్.థమన్ హవా ప్ర‌స్తుతం పీక్స్‌లో న‌డుస్తోంది. ప్ర‌తి సినిమాకి మినిమం గ్యారెంటీ సాంగ్స్ ఇస్తూ.. ఒక‌వైపు మాస్ మ‌రోవైపు క్లాస్ సాంగ్స్‌తో సినిమా సినిమాకి త‌న రేంజ్ పెంచుకుంటూ పోతున్నాడు. ఇక త‌మ‌న్ బ్యాగ్రౌండ్ మ్యూజిక్ గురించి ఎంత చెప్పినా త‌క్క‌వే.. సిచ్యువేష‌న్‌ను బ‌ట్టి త‌మ‌న్ బ్యాగ్రౌండ్ ఓ రేంజ్‌లో ఉంటుంది. ఇక తాజాగా మెగాహీరో వ‌రుణ్ న‌టిస్తున్న తొలిప్రేమ చిత్రానికి త‌మ‌న్ సంగీతం అందిస్తున్న సంగ‌తి తెలిసిందే.

అయితే ఆ సినిమా ఫస్ట్ సింగిల్ ట్రాక్ బయటకు వచ్చింది. మరి పాట ఎలా ఉంది అన్న సందేహం వలదు. ఎందుకంటే.. ఈ ఫస్ట్ సింగిల్ ట్రాక్ చార్ట్ బస్టర్స్‌లో ఖచ్చితంగా ఒకటిగా నిలుస్తుందని చెప్పడంలో సందేహం లేదు. థమన్ అందించిన బాణీకి శ్రీమణి అందించిన సాహిత్యం వీనులవిందుగా ఉంది. ముఖ్యంగా ఈ పాట మధ్యలో వచ్చే ఈ వర్షానికి స్పర్శ ఉంటే నీ మనసే తాకేనుగా.. నీ ఎదలోని పేరే పలికేలె ఇవాళే ఇలా.. వినేకొద్ది వినాలనిపించే విధంగా ఉంది. ఇక ప్రేమికులకైతే ఇలాంటి పాటలు మొదటిసారి వినగానే ఎక్కేస్తాయి. ఆర్మాన్ మాలిక్, థమన్ లు ఆలపించిన ఈ పాట ముగింపులో.. తొలిప్రేమ టైటిల్ సాంగ్ శాంపిల్ ను కూడా వినిపించారు. ఈ రెండు పాటలతో తొలిప్రేమ ఆడియో బ్లాక్ బస్టర్ అన్న విశ్వాసాన్ని కలిగిస్తున్నాయి.